كنت ولم اعد

#20

خمس يام من وقت ما نزلت مالطيارة هايمة فالغابة هات برك تمشي ويجوزو هاد لعشر يام وتخرج وهي حية طول هاد لخمس يام عايشة غير على الما ولحاء الصنوبر ( غشاء الصنوبر يعتبر مفيد للصحة يقلل من نسبة الغلوكوز في الدم، يعزز المناعة، ويعاون على عملية امتصاص الفيتامينات مي هاذا ميمنعش انك تاكل في حطب ) زوج مرات وهي تسلك باعجوبة من الفرقة لي تبع فيها مضررة من التهاب لجروح لي فجسمها لي سببوهملها الشوك وحدة الاوراق ( فالغابات الاستوائية النباتات عادة او دائما ما تكون برية تأقلمت على حماية نفسها وتمحورت اوراقها باش تكون حادة باش تقلل من عملية النتح فظل الرطوبة لكبيرة وسامة في بعض الاوقات ) تحوس غير وقتاه توصل للنهر لي على الخريطة بصح معادش فيها لا نوم لاماكة مع لي كانت تمشي مشافتش عرف الشجرة تعكلت فيح وطاحت طيحتها مع انو صغيرة ومتجرحتش اصلا الا انو كانت بمثابت القطرة لي فيضت الكاس طاحت فاللرض شادة راصها تبكي مش عارفة وش دير تبكي وتبكي وتندب في حناكها مش قادرة تتحمل اكثر الشي لي عاشتو فهاد ال 6 شهور ماشي ساهل ناس بزااف نساحبت من كثر الضغط النفس والجهد العظلي لكبير ضايعة فافكارها لي تدي وجيب فيها زعما كان عندها الحق نهار خذات هاد القرار كان عندها الحق وقت خلات كلشي تحبو وقفت وقت تفكرت كلام الطبيب النفسي

______________( flash back )_____________

( سننتقل من الناسيونال جيوڨرافيك الى الدارك وييب نعم يا ساداتي متتخلعولناش برك )

قبل حوالي شهر ونص مركز التدريب

دخلت للقاعة فارغة كامل و فالوسط كاين طابلة صغيرة مع كورسي سمعت صوت موراها دارت لقاتو الطبيب النفسي لي بلعادة يحكي معاهم

الطبيب: installé vous s'il vous plais ( اقعدي من فضلك )

قعدت من فم ساكت تستنى فيه يكمل يحكي

المعالج: ( رح نهدر نورمال بصح اكتيفيو لوبسيون تاع تخاديكسيو الحديث بيناتهم بالفرونسي ) بما انو وصلتي لهنا فهاذا يعني انو مكانش رجوع بما انك هنا رح تكملي لانو اثبتي جدارتك وجيتي فالمرتبة الاولى في 3 اختبارات بصح لازم تعرفي بلي رح تتحطي في مواقف عمرك لا تخيلتي تعيشيها لازم تبيني جدارتك فيها

مفهمتش علا واش راهو يحكي جا وقف مورايا

الطبيب: خليني نفهمك

رفد يدو لي كانت فيها تيليكوموند شعلت الشاشة لي en face ليا صورة راجل فالطونوبيل يبان انو فحالة صدمة يحكي مع رفيقو لي متصاوب لابسين لزوج تريكوات زروقة حتى

لانا: nooooooooo 😨😰

حتى صدم مرا معاها bebe لي من قوت الصدمة طار وطاح على ل pare brise صورتو كلها دم وامو امو لي يدها تكسرت كي طاحت عليها نص من جيهة ولوخرا ملجيهة لوخرا و الدم فكل جهة

دموعها سالو بلا ما تفيق صوتها يعلى مع كل شهقة تخرجها حطت روحا بلاصت هديك الام

الطبيب: شششششش كملي شوفي الفيديو مزال مخلاص