كنت ولم اعد

#41

  راحت رهف تبعتها بعينيها وجات خارجة شدها من يدها ورجعها

ايهم: شكون ايمن
لانا: ايهم اتلقني مكان ما دخلك
ايهم: شايف تلفونك مسكتش
لانا: لكان جيت واقف على الامور يسكت
ايهم: همممم بلاك مي لي عندو نتي لاه يكسر راسو
خلاها وراح طلع للفوق
لانا: الصبر يا ربي الصبر فعود لا انا نرميه فالثقيل هو لي راميني والله مليحة هاذي

خرجت ركبت فالطونوبيل وراحت طول لعند جنة عشر دقايق وكانت عندها
لانا: اهوووو وين كنتي مخبيا هاد الزين
جنة: هههه
لانا: خرجت تهبلي
جنة: هههه مغسي حشمتيني
لانا: وجه لحشمة

ركبت فالطونوبيل معاها وديمارات باقصى سرعتها
جنة: بلعقل
لانا: مزال نروحو عند وفاء نجيبوها راهي اومبان ونرجعو للدار باش يكفينا لوقت
جنة: اااا اوك
لانا: تبات باش غدوة جي معانا
جنة: يااااااي قولي و الله
لانا: ههههه و الله

صونا تليفونها محبتش ترفد مع اللول وكي عاود رفدت

لانا: وي ايمن
ايمن: اسمعي صرات حاجة حتى لغدوة باش يوجد لي تفاهمنا عليه
لانا: غدوة على قداش
ايمن: نحاول صباح مي عالاكثر على ل11
لانا: خلاص نت ابعتها للدار دك نبعثلك لعنوان
ايمن: اوكي
لانا: merci a plus

كبات عليه متجاهلا تماما نضرات جنة لي عليها الف سؤال وسؤال جات تحل فمها حتى قاطعنتها لانا طبعا ببرودها الموروث على سيد البرود ملك الجليد امبراطور اللامبالاة صاحب الوجه المستفز شكون من غيرو اليحياوي ايهم معشوق الجماهير صاحب الهيبة والنفوذ ( وين بيها نريمان حلاتلك وقيل 🙄 )

لانا: غير مكان لاه تسقسي وابقاي ساكتة c'est confidentiel

شافت فيها بقيلة حيلة

جنة: خطرات نحس بلي دور خت ايهم يليقلك اكثر مني وش درت في حياتي باش نقابل عيباد كيما نتوما
لانا: هههه وش ما درتيش خلي لبير بغطاه
جنة: ههههه

كملت تصوڨ ( كي لعادة حاسبة طريق تاع باباها ) شويا وكانو قدام دار وفاء غير عيطت لها خرجت تكركر فلفاليز ( و شبيهم هادو مع ليفاليز وحدة رايحة او وحدة جاية ) حطتها فلمال وركبت ملور
لانا: بونجوغ وحشتيني
وفاء: ههههه حتى انا وحشتيني اوي
لانا: باين يا لالة وفاء علابيها عيطتي تسقسي
وفاء: ياك علابالك
لانا: علابالي علابالي المهم جنة هاذي وفاء صحبتي لي حكيتلك عليها وفاء هاذي جنة عروستنا
وفاء: مبروك عليك ومتشرفين
جنة: يبارك فيك لعقوبة ليك
وفاء: ان شاء الله

بعد عشر دقايق وحدوخرى كانو فالدار طلعو بين 3 لغرفت لانا

لانا:نباتو انا وياك هنا تحبي حطي دوزانك فالخزانة
وفاء: ukay
لانا: هههههه
جنة: هيا نحبطو نفطرو جعت
لانا: هههههه امشي بلاكي تفسدي مكياجك برك
جنة: عاملة حسابي في ميزك علاش مدرتش لغوجالافر
لانا: هههه معرفتكش بالذكاء الخارق هاذا
جنة: علاجال كرشي مشي غير يجيني الذكاء الخطط الشيطانية الكل يحضروا ( هاذي انا كي نهرب الاكل لل القسم في محاولات اني ناكل بلا متفيق لبروف الشيطان ويحير فالطكتيكات 😂 )