كنت ولم اعد

#38

    ناضو صباح غيروو حاويجهم وحبطو يعملو فطورهم صوت الضحك مالي الفيلا بدل اجواء الحزن والصمت الرهيب لي كان مخيم عليها هاذا لي خلا كتلة الجليد المتحركة تاعنا يفيق من نومو حبط للتحت بشورط للركبة عنيه نص محلولين يمشي كانو سكران مش صاحي وقف عند حرف لباب يشوف فلكوزينة لي مقلبة دارت باش تيري على جنة لفارينة حتى جي لعين فلعين معرفتش وش دير بلا متحس تلقت لغراف لي في يدها سكانات كل شبر منو من شعرو لمفرفش سدرو لعريان وعضلاتو لبارزة رجليه لحفاية كلهم يشهو الا عينيه لي يخلو لخوف يدخل لقلبك بلا ميدق بابو صدقوني لانا بعد لي عاشتو مراحش تخاف بالساهل اما نضراتو لي كيف السيوف خلاتها تعيد حساباتها دارت جنة موراها بعد ما شافت لانا تيبست في بلاصتها

جنة: ايهم 😨

حلت فمها على وسعو

ايهم: وش ### ### لي عاملينها
جنة: حـ.حـ حسابتلنا مكانشك
ايهم: وش ### لعاصفة لي جازت منا جنة وش هاذا ### بيا كملتو لعب ل###
لانا: علاه تعيط عليها
ايهم: بلعي ### فمك نتي لا نجي نريب #### اضربيني يلالا وتحلي ### بعد لمهزلة لي عاملتها فيقي على عمرك منحب حتى حس ولمولي ### لي عملتوها بلا حس

رما كلاو ودار مولي منين جات رح تنتق و ترجعلو اما جنة سوطات عليها سكتتها
جنة: خلاص لانا علا جالي
لانا: جنة
جنة: علا جالي خلاص امسحيها فيا

شدت الطبسي لي قدامها خبطاتو فلحيط رح تترتق حكمت مفاتحها و جات خارجة
جنة: وين
لانا: مشي قلتي خاصينك حاجات
جنة: ايه
لانا: همالا امشي متكصريليش راصي نت تان ( مسكينة جنة لي يجي يخرج فيها غشو )

ركبت معاها وقلعو

جنة: ياو مزالني حابة نعيش نتزوج ندير دراري وبعد منحبش صبيطارات ها بلعقل انا خاطيني

لانا: يعني لكان خليتيني نربيه مشي خير
جنة: لانا قلبك بلعقل هههه
لانا: اضحكي امبعد نوريلك
جنة: اووووف خلاص خرجنا نحو على خاطرنا متزيديليش شهرين وانا حاملاتو مفهمتش لاه شواطنو حاضرين
لانا: شهرين
جنة: ايه تشوفي فلخدمة حاوز نص لخدامين ولباقي بهدلهم
لانا: يتفرعن بعيد
جنة: لانا خلينا منو ديجا دك ينوض يلقى لكوزينا هكداك يوريلي
لانا: متخميش بعثت وحدة ترتبها
جنة: احسن

كملو قضاو شراو ڨاع وش يحتاجو لحفلة الحنة حكاو مع منضم حفلات وقالولو بلي حابين يديروها فالجنينة تفاهمو على كل التفاصيل حتى لماكلة وعليهم تهناو رجعو للدار ميتين بلعيا بعد ما دارو على ڨاع لحوانت و شراو نصهم
                      __________________

ست ايام جازو منهار جات لانا الحالة هادية على غير العادة ايهم من هداك اليوم مزادش بان حفلت الحنة قربت مابقالها كان نهار هذا لي خلى الحالة تتبدل فالفيلة لي تملات بالناس لي رايحين ولي جايين يعملو فالتحضيرات و اهل جنة وعايلتها لكبيرة جداتها خلاتها وخوالها بلا مننساو ولادهم لي عندهم نهار ملي وصلو رهف ساكتة هاد السكوت لي مقدرتش تحللو لانا اما قعدت ساكتة تراقب البيادق من بعيد باش وقت يجي وقتها باش تلعب تقلب الطاولة عليهم قربت لاتية مع التحضيرات وتشوف اذا كل شي جاهز لغدوة جنة لي مش اقل منها غارقة فتحضيراتها لي كل ما تقول كملت تخرجلها حاجة جديدة وجدت حوايج تصديرتها وحطتهم ڨاع في جيها كلمة زوج تعيط للانا لي رح تقسم روحها كلشي طاح عليها

جنة: لاااااانا وينك
لانا: دقيقة.... وشنو جنة
جنة: هدرتي مع ل préparateur قلتيلو يجي بكري شويا
لانا: جنة حكيت معاه غدوة على لحداش يكون هنا
جنة: ويكفينا الوقت
لانا: جنة هاذا عشا اكيد يكفي علاه رح يطيب لحم تاع شادي
جنة: ههههههه وجدتيلي الدوزان لي نديهم معايا
لانا: ايه كلشي واجد لفاليزات الباج تاع تصديرتك ولڨغي لي تديها معاك لوتال وجدتلك كلشي
جنة: مغسي عزيزتي.
لانا: جو راني خارجة 3 سوايع 4 ونرجع
جنة: راح الحال
لانا: متستناونيش ناكل برة
رهف: ( بين شفافها ) كولي ولا موتي شكون قال رح نستناوك

دارت لانا خارجة وخبطت فيها بلعاني بش تحكي معاها

لانا: رجعلك صوتك حسابتلي تبكشتي

غمزتها وخرجت ملبيت مخليتها تحت تاثير كلامها ركبت فطونوبيلتها مرجعتش حتى لل 2 تاع الصباح حلت لباب بلعقل باش متفيقهمش وجات داخلة حتى سمعاتو يحكي
ايهم: علابالي علابالي نفري اموري هنا ونطلع
ا.....................
ايهم: مجهلش #### نخطي ### تضيعو وش هادا حالة تافهة كيما هادي تعيطولي
ا..................
ايهم: ايه ساهل مي منحبش يدخل في خدمتي نمحيه

حس بيها وقت دخلت للصالون تحاول تفهم الموضوع

ايهم: وين كنتي
لانا: اخر همك
ايهم: يهمني ميهمنيش حاجة متخصكش

كملت طريقها طالعة فدروج حكمها من يدها وخبطها على الحيط

ايهم: وقت نحكي معاك تسمعيني
لانا: منيش فارغة شغل
ايهم: حبسي #### تاعك وين كنت

شدت يدو لي حاكم بيها رقبتها ونحاتهالو
لانا: بلعقل اعصابك ( وتقولو ايهم بارد تسما لانا وش )
ايهم: لانا متنشعينيش خليني هادي احسن صدقيني غشي خايب