كنت ولم اعد

#57

حبطت تمشي بشويا عينيها منفخين تحك فيهم تشم فريحت القهوة لي عبات الدنيا مشات قعدت علبوطاجي مثبتة فكل تفصيلة منو لابسة الشونيز تاعو لي واصلا لفخاضها تبسمت معاه وطابس باسها على فمها بوسة خفيفة

نائل: بونجوع
جنة: بنجوغ حياتي
نائل: خليني نحطلك فطورك باش نلحق نوصل للخدمة علوقت
جنة: ااا ديجا
نائل: وي لازم نرج
جنة: ربي معاك عزيزي
نائل: ونت مش باش ترجعي
جنة: السمانة الجاية خلي نزيد نريح هاد الاسبوع والفت الدار يا خويا
نائل: ههههه براحتك .. حقا مشي ملمفروض لانا تكون رجعت لبارح
جنة: منعرفش
نائل: بلعادة تعيط يمكن صرات معاها كاش حاجة
جنة: ولا نسات
نائل: عيطي وشوفي
جنة: منعيطش

رفدت روحها وراحت من جيهت الصالون

نائل: علاه
جنة: معيطتش منعيطش كانت قادرة نسقسي علينا وقت وصلنا يومين مرفدتش التليفون بالتمسخير

متجيكمش غريبة الناس ديما هكا مستحيل تلقا شخصية مثالية الناس تزعف وتعاتب وتحطش اعذار غلطة صغيرة كانت عن قصد ولا بغير قصد تنسيهم فخير السنين لانا لي ضحات علجال جنة خسرت خوها عملت كلشي تقدر عليه باش تسعدها جنة ديما في بال لانا وفي قلبها اتصال صغير قدر يخلق هاد الشرخ والله الدنيا ضحك وتحسها فيلم كل واحد وش مخبيتلو علاش منعطيوش اعذار علاش نخممو انو حنا شخصية مثالية ومفيناش عيوب واذا كان الشي لي نشوفوه صح فوين المشكل علاه كل واحد فينا حزين ويحس روحو مضلوم غدروه الناس لي من حولو علاه نعاتبو لي متفكرنيش ومسألش علينا وحنا بدورنا مسألناش عليه علاه كل واحد يستنا فالاخر انو يدير الخطوة الاولى علاش حنا منقوموش بيها يمكن على هاذا المجتمع رجع هكا مجتمع اناني كل واحد يخمم في روحو فسعادتو فمصلحتو وناسي غيرو اما لازم نستعرفو بحاجة الشي لي نلومو عليه غيرنا عندنا يد فيه من قريب ولا من بعيد لازم نستعرفو ونغيرو هاد الشي هاذا الوحيد لي رح يتغير بيه المجتمع نقومو بالخطوة الاولى وناثرو بيها على لي حولنا و خطوة بخطوة يرجعو يعملو كيفنا وهكا تعم الضاهرة ويتصلح حالنا منعياوش من اليوم الاول لانو يقولو انو الشغل لمليح يطول

نائل: معيطتش عيطي انتي اسئلي عليها شحال من مرة هي حوست عليك
جنة: اما
نائل: مأماش جنة نسيتي لي عملاتو علا خاطرك
جنة: تعاتب فيا ياخي
نائل: لا منيش نعاتب فيك اما ننهيك للخير

قرب ليها وحاوطها بيديه

نائل: جنة حبيبتي اعرفي انو مهما كان يكون نحبلك لخير منرضاش فيك كلمة اما زادة منرضاش نشوفك تغلطي ونسكت يغلطو فيك ومتغلطيش فالناس الدنيا صعيبة ويجي نهار وين الدور حتى ولو ماشي فينا ففي ولادنا وفلي عزيز علينا وقتها ذاكرتك رح ترجعك للموقف وين كنتي ضالمة رح تندمي اما مراحش ينفعك لا ندم لا ضمير متزعفيش مني اما نحبلك لخير فهمتيني جنة

هزتلو براسها وضماتو وهمستلو

جنة: مرسي ربي يخليك ليا يا سيد الرجال
________________

لانا: ايمن صحيح لي قلتو
ايمن: قدرت حوست على يماك وعرفت انو كانت عندها صحبتها فرملية حوست على سبيطار لي كانت تخدم فيه فالعام لي زدتي فيه خترقت نظام المعلومات كنت خايف انهم يكونو محاو المعلومات عندهم اكثر من 20 سنة اما
لانا: ايمن راني على اعصابي مديرليش monologue لي يمدو طبيب بعد لعملية ادخل طول للموضوع
ايمن: باهي الالة لقيتهم
لانا: احلف
ايمن: اديني للجامع
لانا: صلي صلاتك كي ناس امبعد نديك وعد ( احححح قصف سداسي الابعاد )
ايمن: ايا فيها

خزر فيها شافها تخنزر فيه تستنا فيه يحكي
ايمن: احزري وين لقيتهم
لانا: وين
ايمن: روسيا
لانا: وشنو
ايمن: ايه اما لقيت معلومات اخرى اسمك ولاقبك مبدلين اما نفس تاريخ الميلاد و مواصفات العينين والشعر حتى ال ADN نفسو
لانا: باينة يجايح يكونو قيدوني على لقب بابا ادم الله يرحمو
ايمن: بصح التبني حرام فدولتناو ناخذو بالكفالة ولي ملمفروض لقبك يبقى مدون
لانا: يعني
ايمن: لازم تكون كاينة ورقت كفالة فيها اسمك لحقيقي لانو ملقيتش معلومات على والديك يكونو محاوهم من المشفى هداك و مستحيل يعطوك اوراق ثبوتية من العدم... لانا نحكي معاك تسمعي فيا ياخي
تنهدت من عروش قلبها
لانا: وشنو هي لفايدة فهمني وش هي الفايدة ههههه ههههه بعد 22 سنة وش هي فاليدة هههههه

حالتها سخفاتو شافها رفدت مفاتها وخارجة جرا ليها حكمها من يدها ودورها ليه

ايمن: لانا ويني قوتك لي حاربتي بيها العالم وين ويني لانا لي نعرفها منيش شايفها قدامي عالاقل واجهيهم وسأليهم علاه عملو هكا حاسبهم
لانا: نحاسبهم كيما حاسبت عايلتي هههههه