An Accident in Broad Daylight || ဘာသာပြန်《Completed》

Chapter 1

Volume 1 : ရှည်ကြာသော နှစ်များ
____________________________

ရွှီထန်းချန် ဓာတ်ခွဲခန်းမှအလုပ်များကိုအပြီးသတ်ကာ အိမ်သို့ပြန်လာသည့်အချိန်တွင် မနက်တစ်နာရီဖြစ်​နေလေပြီ။သူကသမ်းလိုက်ပြီး နီရဲနေသောမျက်လုံးများကိုပွတ်သပ်လိုက်ရာ မျက်ရည်များစီးကျလာပြီးနောက် ရပ်နားမည့်နေရာကိုရှာဖွေရန်အတွက် စီယာတိုင်ကိုလှည့်လိုက်ဘေသည်။

၎င်းသည်ကြာရှည်ပြီး သေးငယ်လှသည့်ရပ်ကွက်တစ်ခု၏အားနည်းချက်ပင်—ကားကိုမည်သို့ရပ်ထားကြလဲဆိုသည်ကို ဘယ်သူကမှဂရုမစိုက်ကြ​ပေ။

ထိုအရာများအပြင် မကြာသေးမီနှစ်များအတွင်း၌ လူအများအပြားက ကားများကိုဝယ်ယူလာကြလေသည်။ယခင်ကပင် ခြံဝင်းထဲ၌ ကားရပ်နားရန်နေရာမလုံလောက်ခဲ့​ပေ။

အထူးသဖြင့် လူတိုင်းသူတို့အသိုက်အမြုံသို့ ပြန်သွားပြီးနောက် ညပိုင်းတွင် လူအချို့သည်သူတို့၏ကားများကိုတွေ့မြင်သည့် မည်သည့်သေးငယ်သည့်နေရာတွင်မဆို အတင်းအကြပ်ရပ်ထားကြ၏။သေးငယ်သည့်ရပ်ကွက်ငယ်၏ လမ်းနှစ်ဖက်စလုံး၌ပင် ကားများဖြင့်ပြည့်နှက်နေခဲ့လေသည်။

ရွှီထန်းချန်မှာ အချိန်အတော်ကြာရှာဖွေခဲ့ပြီးနောက်မှ သူ၏ကားကိုနေရာသေးသေးထဲသို့မောင်းနှင်နိုင်ခဲ့လေသည်။ကားရပ်လိုက်ပြီးသည့်နောက်တွင်တော့ ယာဉ်မောင်းစမ်းသပ်မှု၏ ဒုတိယအပိုင်းကိုထပ်မံဖြေဆိုခဲ့ရပြီး အမှတ်ပြည့်ဖြင့်​​အောင်မြင်ခဲ့သလိုပင်ခံစားလိုက်ရ၏။

သူကအသက်ပြင်းပြင်းရှူလိုက်ပြီး အ​ပေါ်မတက်မီ ​စီးကရက်သောက်ချင်သောကြောင့်
အိပ်ကပ်ထဲသို့နှိုက်လိုက်လေသည်။ယနေ့အိမ်ပြန်လာနိုင်စေရန်အတွက် အဆောတလျင်လုပ်ဆောင်ခဲ့မိခြင်း၏အကျိုးဆက်က ဓာတ်ခွဲခန်းတွင်နှစ်ရက်မျှနေခဲ့ရပြီး ခေါင်းများကမူးနောက်က မျက်လုံးများရီဝေလာသည်အထိ ကွန်ပျူတာစခရင်ကို ကြည့်ခဲ့ရလေသည်။

စီးကရက်ငွေ့များက သူ၏ခန္ဓာကိုယ်မှတဆင့် လေထုထဲသို့ရောက်ရှိသွားပြီး နောက်ဆုံးတွင်တော့ သူကအတော်လေးသက်တောင့်သက်သာ ဖြစ်သွားခဲ့ရလေသည်။ ​