An Accident in Broad Daylight || ဘာသာပြန်《Completed》

Chapter 55

Coming outကိစ္စနှင့်ပတ်သက်၍ရွှီထန်းချန်သည် ယခင်ကမရေမတွက်နိုင်သော အဖြစ်အပျက်များကို စိတ်ကူးယဉ်ခဲ့ဖူးလေသည်။

ဘယ်အချိန်က အသင့်တော်ဆုံးဖြစ်မလဲ၊ဘယ်လိုလေသံမျိုးက သူ့မိသားစုကိုလက်ခံဖို့လွယ်ကူစေမှာလဲ၊ဘယ်အရာတွေအပေါ် အလျှော့အတင်းလုပ်နိုင်မလဲ၊ဘယ်အရာတွေကို မလုပ်နိုင်ဘူးလဲ... သို့သော်ယခုတွင်တော့ ထိုကိစ္စကရုတ်ချည်းဆိုသလို ပေါ်လာခဲ့လေသည်။

ကြိုတင်ပြင်ဆင်မှု တစ်စုံတစ်ရာမရှိပဲသူ့ကို "အတင်းအကြပ်"ဖြစ်စေခဲ့လေသည်။ထိုအခိုက်အတန့်တွင် သူနောက်ဆုံးနားလည်သဘောပေါက်ခဲ့ရ၏။သူအမှန်တကယ်ရင်ဆိုင်ခဲ့ရသည့်အဖြစ်မှန်မှာ—ထိုမရေမတွက်နိုင်သောအခြေအနေများထဲမှ—ထာဝရအဆိုးရွားဆုံးဖြစ်ရပ်တစ်ခုဖြစ်ခဲ့တော့သည်။

"ဘာတွေဖြစ်နေတာလဲ?"

ရွှီယွဲ့လျန်နှင့်ရွှီထန်းရှီတို့သည် အသံကြားကြားချင်း ပြေးလာကြလေသည်။ဘာတွေဖြစ်နေသည်လဲ နားမလည်ကြဘဲ အကြည့်ချင်းဖလှယ်လိုက်ကြ၏။အကြောင်းရင်းကိုမသိသော်လည်း ဇနီးဖြစ်သူ၏မျက်လုံးများနီရဲနေသည်ကိုမြင်လျှင် ရွှီယွဲ့လျန်သည် သူမဆီသို့အလျင်အမြန်သွားပြီး နှစ်သိမ့်ရန်ကြိုးစားခဲ့လေသည်။သို့သော်သူကျိုးဟူဆီမရောက်ခင်၌ သူမကလက်ကိုလွှဲကာအင်္ကျီအားရွှီထန်းချန်၏ခြေရင်းသို့ ပစ်ချလိုက်၏။

ထို့နောက်တွင်တော့ သူမ၏မထိန်းနိုင်တော့သောငိုကြွေးသံကထွက်ပေါ်လာ၏။

"နင်ဘာတွေလုပ်နေတာလဲရော သိသေးရဲ့လား?"

ရွှီထန်းရှီသည်ရှေ့သို့တိုးလာရင်း အံ့ဩတုန်လှုပ်နေလေသည်။သူမသည်ရွှီထန်းချန်အနားတွင်ရပ်ကာ တုန်လှုပ်နေ၏။ကျိုးဟူသည်ပွစိပွစိပြောရသည်အားကြိုက်သော်လည်း အလွယ်တကူဒေါသထွက်လေ့မရှိပေ။ရွှီထန်းချန်နှင့်ရွှီထန်းရှီတို့ ဤအရွယ်သို့ရောက်နေပြီဖြစ်သည့်တိုင် သူမသည်ဤနှစ်များအတွင်း ကြမ်းတမ်းသောစကားတစ်ခွန်းကိုမှမပြောခဲ့ဖူးဘဲ သူတို့ကိုပစ်ပေါက်ခြင်းကဲ့သို့အရာမျိုးကိုသာ ပြုလုပ်ခဲ့လေသည်။