An Accident in Broad Daylight || ဘာသာပြန်《Completed》

Chapter 44

ရိကျယ်သည် ဤလှုပ်ရှားမှုကြောင့်လုံးဝပင်လောင်ကျွမ်းသွားကာ သူ့ယခင်ကရှိခဲ့သော ချုပ်တည်းထားခဲ့မှုများဟာလည်း အရိပ်ပင်မကျန်အောင် လောင်ကျွမ်းသွားခဲ့လေတော့သည်။အနမ်းများက ပို၍ပင်ပြင်းထန်လာပြီး သူကပြင်းပြင်းထန်ထန်နမ်းရှိုက်ရင်း အသက်ပြင်းပြင်းရှူလိုက်သောအခါတွင် ရွှီထန်းချန်သည် ရုတ်တရတ် တိုက်ခိုက်နေရာမှ တည့်မတ်လာပြီး သူ့ပခုံးကိုပင်ဆုပ်ကိုင်လိုက်ရတော့သည်။

"မင်း....."

ထိုစူးရှသောအသက်ရှုသံက ရွှီထန်းချန်ကိုတုန်လှုပ်သွားစေခဲ့လေသည်။ရိကျယ်ကိုအပြစ်တင်ရန်ပြင်လိုက်ချိန်တွင် သူ့ခြေထောက်များက ကြမ်းပြင်ပေါ်မှ လွတ်ထွက်သွားသည်ကို ခံစားမိလိုက်၏၊သူ့ခန္ဓာကိုယ်ကပျော့ပျောင်းသည့်မွေ့ရာကို ထိတွေ့သွားကာ စိတ်အာရုံများကဝေဝါးနေစဉ်၌ မထင်မှတ်ဘဲလတ်ဆတ်သည့်မွှေးရနံ့ကို သူဝေ့ခနဲပင်ရရှိလိုက်၏။

အိပ်ယာခင်းများနှင့်စောင်များသည် အသစ်ဖြစ်ရပေမည်။

နှုတ်ခမ်းတစ်စုံက မြို့တော်ကိုတိုက်ခိုက်ပြီး နယ်မြေကိုသိမ်းပိုက်လိုက်ကာ ရွှီထန်းချန်ကိုစေ့ဆော်ပေးနေပြီး ထိုလှည့်ကွက်များကိုဘယ်ကသင်ယူခဲ့သလဲဟု ရိကျယ်ကိုမေးရန်သူလုံးဝမေ့သွားတော့သည်။

အကြီးမားဆုံးပြဿနာကို ဖြေရှင်းပြီးသွားပြီးနောက်ပိုင်းမှာ ဖြစ်လာသမျှအရာအားလုံးသည် ပို၍ချောမွေ့သွားလေတော့သည်။ထိုမီးလုံးနှစ်လုံးကြောင့် ဤချစ်စရာကောင်းသောပတ်ဝန်းကျင်အလယ်တွင် ရွှီထန်းချန်သည် နောင်လာမည့်အရာများကိုကြိုတွေးကာ အနည်းငယ်မျှပင်ကြောက်ရွံ့နေခြင်းမရှိတော့ပေ။

ထိုအစား ရိကျယ်ကသူ့အင်္ကျီကို ဆွဲချွတ်လိုက်ပြီး နောက် သူ့အဝတ်အစားများကိုချွတ်ရန် လက်မြှောက်လိုက်ချိန်၌ ရွှီထန်းချန်ကသူအားမရေမတွက်နိုင်သောစိတ်ကူးယဉ်မှုများကို ပေးဆောင်ခဲ့သော အလင်းကိုနောက်ခံထားကာ ရေးစွဲထားသောပုံရိပ်၏ ကိုယ်လုံးကိုယ်ပေါက်တစ်ခုကို မြင်လိုက်ရသလိုခံစားလိုက်ရ၏။

တင်းမာနေသောအသားအရေ၊ချောမွတ်သောကောက်ကြောင်းအသွယ်သွယ်တို့သည် အမှောင်ထဲ၌ရှိနေလျက် လင်းလက်တောက်ပနေသောမျက်ဝန်းတစ်စုံကသာ သူ့ကိုစိုက်ကြည့်နေခဲ့လေသည်။