An Accident in Broad Daylight || ဘာသာပြန်《Completed》

Chapter 38 (U)

ရွှီထန်းချန်ကရိကျယ်ကို သတိပေးခဲ့သော်လည်း ရိကျယ်ကတော့ သူ့နည်းလမ်းကိုမပြောင်းလဲဘဲ ခေါင်းမာမာဖြင့် ငြင်းဆန်နေဆဲ။အသက်နှစ်ဆယ်မပြည့်သေးသည့် ယောက်ျားလေးတစ်ယောက်ဟာ ငယ်စဉ်ကတည်းကနှစ်သက်ခဲ့ရသူနှင့် အချစ်ရေးတစ်ခုဖြစ်ပေါ်လာသည့်အခါ—သဘာဝအားဖြင့် ထိုသူအား အကောင်းဆုံးဆိုသည့်အရာများကိုသာ ပေးချင်ခဲ့လေသည်။

သူမြို့ငယ်လေး၌ ရှိနေစဉ်ကလိုမျိုး ရိကျယ်ဟာစက်ဘီးတစ်စီးကို ရည်ရွယ်ချက်ရှိရှိပင်ဝယ်ခဲ့လေသည်။သူတို့ကကျောင်းဝန်းထဲ၌ ဖြစ်သဖြင့် ရွှီထန်းချန်ဟာ ဘားတန်းပေါ်၌မထိုင်တော့ပေ။ထို့ကြောင့် ရိကျယ်သည် တောင်ဘက်တံခါးမှအရှေ့ဘက်တံခါးဆီသို့ နေ့တိုင်းစက်ဘီးစီးလာခဲ့ပြီး ရွှီထန်းချန်၏ အဆောင်ဝင်ပေါက်တွင် သူ့စက်ဘီးကိုရပ်ထားတတ်၏။

သစ်ပင်ကြီးအောက်၌ ငှက်ကလေးများတေးဆိုသံကိုနားထောင်ပြီးနောက် မျက်လုံးများကိုပွတ်လျက် အဆောက်မှထွက်လာသည့် ထိုသူနှင့်အတူမနက်စာစားရန် သွားတတ်၏။

သူ့ဘဝသည်ပြည့်စုံပြီး အသက်ဝင်နေကာ အသေးစိတ်မိနစ်တစ်ခုစီကိုပင် စုဆောင်းနေခဲ့လေသည်။

ဒုတိယကန်တင်း၌ မနက်စာစားချိန်တွင်ကြက်ဥကြော်ရှိလေသည်။သူတို့သာ မနက် 7:20 မတိုင်ခင်ရောက်သွားပါက ကောင်းမွန်သောပုံစံလေးများကိုပင် ရနိုင်မည်ပင်။ထို့မပြင်ရွှီထန်းချန်သည် ပြီးပြည့်စုံစွာ ဝိုင်းစက်နေသာကြက်ဥကြော်ကိုစားရသည်အား နှစ်သက်လေသည်။

ရွှီထန်းချန်သည် မကြာခဏဆေးလိပ်သောက်လေ့မရှိ​သော်လည်း အကျင့်ပါစွာပင်သူ့၌ဆေးလိပ်ဗူးက အမြဲတမ်းရှိနေတတ်၏။

ရွှီထန်းချန်သည်များသောအားဖြင့် ည၁၀ နာရီ၌ဓာတ်ခွဲခန်းမှ ထွက်လာလေ့ရှိ၏။သူအလျင်စလိုလုပ်စရာ သို့မဟုတ် သန်းခေါင်ယံထိစာလုပ်စရာများမရှိပါက 10:30ထက် ပိုမနေတတ်ပေ။သူကရိကျယ်ကို ဆယ်မိနစ်ကြိုကာမက်ဆေ့ချ်ပို့တတ်ပြီး သူဘယ်မှာရှိနေသလဲ သို့မဟုတ် ကိုယ်ပိုင်စာကြည့်ချိန်၌ ရှိသေးလားဟုမေးမြန်းတတ်၏။

တခါတရံတွင် ရိကျယ်ကသူ့ကိုအောက်ထပ်၌ စောင့်နေကြောင်း ပြောတတ်လေသည်။ရွှီထန်းချန်သည် ဓာတ်လှေကားစောင့်ရင်း အခြားသူများနှင့်စကားစမြည်ပြောနေချိန်၌ သူ့ဖုန်းစခရင်ကမီးလင်းလာပြီး အောက်ထပ်မှ အခြေအနေကိုသူထံသတင်းပို့လာတတ်သည်-