An Accident in Broad Daylight || ဘာသာပြန်《Completed》

Chapter 35

ရွှီထန်းချန်သည်ရိရွှမ်နှင့်ပြောခဲ့သည့်စကားဝိုင်းကို ရိကျယ်အားတစ်ခွန်းမျှပင် မပြောပြခဲ့ပေ။ထိုကဲ့သို့ပြုလုပ်ခြင်းက မမှန်ကန်ကြောင်းသူသိသော်လည်း
ရိကျယ်သည် လုံခြုံရေးစစ်ဆေးမှုအတွက်တန်းစီနေပြီးသားလူကိုရှာဖွေရန်အတွက် လူများကြားကိုကြည့်ရန်အစွမ်းကုန်ကြိုးစားနေသည်ကို တွေ့လိုက်ရသောအခါတွင် သူကထိုကိစ္စကို ဖုံးကွယ်ထားရန် ရွေးချယ်ခဲ့မိလေသည်။

သူ့ညီလေးအတွက် ရိကျယ်၏ချစ်ခင်ကြင်နာမှုက သူ့နှလုံးသားထဲရှိအနူးညံ့ဆုံးနေရာကို သိမ်းပိုက်သွားနိုင်ခဲ့သည့်ပုံပင်။သူက၎င်းကို  နှစ်ပေါင်းများစွာဂရုတစိုက်နှင့် ကာကွယ်စောင့်ရှောက်ခဲ့လေသည်။ဘာကိုမှမမျှော်လင့်ထားဘဲ အချိန်ကုန်ခံပြီးအားထုတ်ခဲ့လျှင်တော့ အဆင်ပြေနေသေး၏။

သို့သော်ရိကျယ်မှာတော့မျှော်လင့်ချက်ကရှိပြီး တစ်ဖက်လူသည်လည်းသူ့ကဲ့ကိုခံစားနေမည်ဟု သေချာပေါက်တွေးနေပေလိမ့်မည်။ထိုသို့မဟုတ်လျှင် သူ့အားလပ်ရက်များ၌ ထိုသူများကိုတွေ့ရန် အမြဲတမ်းဝေးကွာလှသောခရီးကိုသွားနေမည်မဟုတ်ပေ။

အတိတ်မှ "အနစ်နာခံခြင်း"၊ ပစ္စုပ္ပန်ရှိ "စိုးရိမ်ပူပန်မှု" —ဝယ်ယူရန်အတွက် ရွှီထန်းချန်ကိုပင် သီးသန့်လာမေးခဲ့သည့် ဘန်းမုန့်ကြော်များ—၎င်းတို့အားလုံးဟာ ဘာကိုမှပြန်မရနိုင်ခဲ့သည့်သူ၏ချစ်ခြင်းမေတ္တာများမှ ပေါ်ပေါက်လာခဲ့ခြင်းပင်။ထိုချစ်ခြင်းမေတ္တာ၏အောက်ခြေတွင်တော့ အဖိုးအတန်ဆုံး နှလုံးသားတစ်ခုကရှိနေခဲ့လေသည်။

ရိရွှမ်က၎င်းကိုမသိသော်လည်း ရွှီထန်းချန်ကတော့၎င်းကို တန်ဖိုးထားခဲ့လေသည်။သူ၏အမှတ်တရများထဲရှိ တိတ်ဆိတ်နေလေ့ရှိသော်လည်း နူးညံ့ကာကြင်နာတတ်သောထိုလူငယ်လေးကိုကာကွယ်ချင်ခဲ့လေသည်။သူ့နှလုံးသား၏အနူးညံ့ဆုံးအစိတ်အပိုင်းလေးလုံးဝပြိုလဲကျသွားသည်ကို ခံစားခွင့်မပြုနိုင်ခဲ့ပေ။

၎င်းကိုအနှေးနှင့်အမြန် ကြုံရဦးမည်ဆိုလျှင်ပင်၊ အနည်းဆုံးတော့ ယခုအခိုက်အတန့်တော့မဟုတ်ပေ —အနည်းဆုံးတော့အချစ်ခံရခြင်း၏ ခံစားချက်ကို မသိသေးချိန်၌ ချစ်မိသွားသည့်ခံစားချက်ကိုလည်း ဆုံးရှုံးလိမ့်မည်မဟုတ်တော့။