An Accident in Broad Daylight || ဘာသာပြန်《Completed》

Chapter 65

ခရီးသွားရာသီတွင်ခရီးသွားမြို့တစ်မြို့၌ ယာဉ်ကြောပိတ်နေမှုတွင်သုံးစွဲနေရသည့်အချိန်သည် လူသားများ၏စိတ်အားထက်သန်မှုနှင့် တိုက်ရိုက်အချိုးကျနေခဲ့လေသည်။၎င်းကိုတိုက်ဖျက်ကာ သူ၏နေ့စဉ်သယ်ယူပို့ဆောင်ရေး လိုအပ်ချက်များကိုဖြည့်ဆည်းရန် ရွှီထန်းချန်သည်လျှပ်စစ်စကူတာအသေးလေးကို ဝယ်ယူခဲ့လေသည်။

ဤနေရာရှိလမ်းများက ပေကျင်းနှင့်မတူပေ။တောင်စောင်းများစွာ၊အတက်အဆင်းများစွာ ရှိနေခဲ့လေသည်။သူစကူတာစီး၍ လျှပ်တပြက်အရှိန်နှင့်ဖြတ်ကျော်သွားသလို ခံစားရလေသည်။တဖြည်းဖြည်းနှင့် ရွှီထန်းချန်သည်ဝါသနာအသစ်တစ်ခုကို ရရှိခဲ့တော့သည်။

တခါတရံ အလုပ်မသွားမီ မနက်အစောကြီး၊တခါတရံ နေဝင်ချိန်၊တခါတရံတောင်လောင်နေသောနေရောင်ရှိသည့် နေ့လယ်ခင်း၊နွေးထွေးမှုများကျန်ရစ်နေဆဲဖြစ်သည့် ညအချိန်များလည်းဖြစ်နိုင်လေသည်။ဘောင်းဘီတိုတစ်ထည်ကိုဝတ်ကာ စကူတာကိုစီးရင်း တစ်ခါတစ်ရံကျယ်ကာ၊တစ်ခါတစ်ရံကျဉ်းမြောင်းသော လမ်းများကိုပတ်ကာလျှောက်သွားခဲ့လေသည်။ထိုအချိန်များတွင် သူဘာကိုမှမစဉ်းစားခဲ့။သူသည်လူတစ်ယောက်နှင့်တူညီသောအရာတစ်ခုခုကိုလုပ်နေပြီး သူ့အရိပ်သည်ထိုသူနှင့်ထပ်တူကျနေသလိုသာခံစားခဲ့ရလေသည်။

တစ်ခုတည်းသောထူးခြားချက်မှာ နွေနေ့တစ်နေ့တွင် သူသည်ချန်းရွှီနှင့်ထပ်မံတွေ့ဆုံခဲ့ခြင်းသာ။

ချန်းရွှီသည်ပေကျင်းသို့ပြန်လာခဲ့ပြီး ဘွဲ့ယူရန်နှင့်အလုပ်ရှုပ်နေခဲ့လေသည်။ရွှီထန်းချန်ဟိုင်နန်မြို့သို့ ရောက်ရှိနေကြောင်းသိလျှင် သူသည်သူ့ထံတွင်လာရောက်လည်ပတ်ခဲ့လေသည်။သူ့ဆံပင်များက ပိုတိုသွားခဲ့၏။လေဆိပ်တွင်ရပ်နေပြီး ရွှီထန်းချန်ကိုလက်ဝေ့ယမ်းပြနေသည့်ပုံစံက ရွှီထန်းချန်၏အမှတ်တရများထဲမှ နူးညံ့လှသည့်ကောင်ငယ်လေးနှင့်အတော်လေး ကွာခြားနေခဲ့လေသည်။

သို့သော် ရွှီထန်းချန်သူ့အနားသို့လျှောက်သွားသောအခါတွင် ချန်းရွှီသည်ခေါင်းကိုအနည်းငယ်မျှငုံကာမျက်လုံးများကိုရှောင်ဖယ်ရင်း ရှက်ရွံ့စွာပြုံးနေခဲ့သောကြောင့် ရွှီထန်းချန်ကသူမပြောင်းလဲသွားဟုခံစားလိုက်ရတော့သည်။