An Accident in Broad Daylight || ဘာသာပြန်《Completed》

chapter 4

ဆောင်းရာသီ၏ အစောပိုင်းနေ့ရက်များတွင် ပေကျင်းရှိလေထုသည် အလွန်ခြောက်သွေ့နေခဲ့လေသည်။မနက်ခင်းတစ်ခု၌ ရေချိုးသည့်အခါ ရွှီထန်းချန်မှာ နှာခေါင်းသွေးလျှံခဲ့လေသည်။၎င်းသည်နှစ်ပေါင်းများစွာ သူကြုံတွေ့နေခဲ့ရသည့်ပြသနာတစ်ခုပင်။ဤရာသီအတွင်း သူ၏နှာခေါင်းသည် အခြေခံအားဖြင့် ထိပင်အထိမခံခဲ့။သူက တစ်ရှူးနှစ်ရွက်ကိုဆွဲထုတ်လိုက်ပြီး နှာခေါင်းကိုဖိထားလိုက်ကာ ခေါင်းကိုအပေါ်သို့စောင်းပြီး ထွက်လာခဲ့၏။

"ဘာဖြစ်တာလဲ?"

ချန်းရွှီသည်ဖိနပ်ကိုချွတ်လိုက်ချိန်တွင် သူနှင့်ပတ်သတ်၍တစ်ခုခုလွဲချော်နေကြောင်း တွေ့လိုက်ရလေသည်။စိုးရိမ်စိတ်ဖြင့် သူကအပြေးလာကြည့်ချင်သော်လည်း လမ်းတစ်လျှောက်ရှိကြမ်းပြင်ပေါ်မှအင်တာနက်ကေဘယ်ကြိုးကို မတော်တဆခလုတ်တိုက်မိပြီးလဲကျသွားလေသည်။

"ဂရုစိုက် ဂရုစိုက်"

ရွှီထန်းချန်ကထပ်ပြောလိုက်၏ ။

ချန်းရွှီသည် အမြင်အာရုံအားနည်းသော်လည်း မျက်မှန်ကို ကြာရှည်စွာတပ်ဆင်ရန်ငြင်းဆန်ခဲ့ပြီး ၎င်းက သူ့မျက်လုံးများ၏ပုံသဏ္ဌာန်ကို ပြောင်းလဲသွားစေလိမ့်မည်ဟု ပြောခဲ့ဖူးလေသည်။အကယ်၍ မလိုအပ်ပါက မျက်မှန်များကို၀တ်ဆင်ရန် အခိုင်အမာငြင်းဆန်နေပေလိမ့်မည်။နေ့စဉ်နေ့တိုင်းအရာအားလုံးကို တွန်းလှန်ကာအလဲထိုးနိုင်စွမ်းရှိသည့်အတွက် သူ့ကိုချီးကျူးရမည်ပင်။

"ငါအဆင်ပြေပါတယ် လေထုကအရမ်းခြောက်သွေ့နေလို့"

ချန်းရွှီက သူသည်သုတေသနလုပ်ရန် ကုမ္ပဏီတစ်ခုသို့သွားခဲ့သည် ဟုပြောလာ၏။မနက်စောစော၌ပင် သူကကျောင်းလွယ်အိတ်ကို လွယ်ထားလေပြီ။သူမသွားခင်၌ ရွှီထန်းချန်ကသူ့ကိုမုန့်တစ်ချပ်ပေးပြီး လမ်းတွင်စားရန်ပြောလိုက်၏။

ကျောင်းမှစီနီယာတစ်ဦးက သူ့အားဘွဲ့ကြိုအဖွဲ့ကိုလမ်းညွှန်မှုပေးရန် အကူအညီတောင်းခဲ့လေသည်။ဂျူနီယာက သူနှင့်ခဏခဏချိန်းဆိုခဲ့သော်လည်းသူကအလွန်အလုပ်များနေသောကြောင့် အချိန်မရှိခဲ့ပေ။ထို့ကြောင့် ရွှီထန်းချန်ကိုထပ်၍အကူအညီတောင်းရန်မှလွဲ ရွေးစရာမရှိခဲ့ချေ။