အဆုံးတွင် ရွှီထန်းချန်သည်ရိကျယ်ကိုတနုံ့နုံ့ဖြစ်စေသော ထိုHappy Valley သို့မသွားခဲ့ရပေ။
ထိုနေ့တွင် သူအိမ်ပြန်မည်ဟုကြိုမပြောထားသောကြောင့် အိမ်သို့ရောက်ချိန်မှသာ အိမ်တွင်ဘယ်သူမှမရှိကြောင်း သိလိုက်ရတော့သည်။သူဖုန်းဆက်ပြီး မေးလိုက်မှသာအဖွားနေမကောင်းဖြစ်နေသည်သိလိုက်ရ၏။
"လွန်ခဲ့တဲ့ နှစ်ရက်ကလည်ချောင်းမကောင်းဘူးလို့ ပြောလာတယ်လေ မင်းဦးလေးကသူ့ကို ဆရာဝန်ဆီ ခေါ်သွားပေးမယ်ပြောပေမယ့် သူကမသွားချင်ဘူး ဆေးသောက်နေတာ နှစ်ရက်ရှိနေပြီ အခုမှ ရုတ်တရက်အေးလာလို့မနက်ဖြန် ဆရာဝန်ဆီ ခေါ်သွားပေးပါလို့ ငါတို့ကိုပြောလာတယ် သူ့ကိုယ်အပူချိန်ကို ငါအခုပဲစစ်ကြည့်လိုက်တာ ထိလိုက်ရုံနဲ့ အဖျားရှိနေမှန်းသေချာသိနိုင်တယ်"
အဖွားက အချိန်အများစုတွင်ကျန်းမာရေးကောင်းသည်ဟု ယူဆနိုင်လေသည်။သွေးတိုးမှလွဲ၍ တခြားဘာပြဿနာမှမရှိသလို မကြာခဏလည်းမဖျားပေ။သို့သော် သက်ကြီးရွယ်အိုများ၏ ရုပ်ပိုင်းဆိုင်ရာ ကျန်းမာရေးကသာမန်လူများနှင့်ယှဉ်၍ မရချေ။သူတို့၌ ရောဂါတစ်မျိုးမျိုးကြုံရလာသည့်အခါ ပြန်ကောင်းလာရန် မလွယ်ပေ။
သူဦးလေးအိမ်သို့ အလျင်စလိုခရီးတလျှောက်တွင် ရွှီထန်းချန်၏နဖူးသည်ချွေးများချွဲနေခဲ့၏။အဖွားကိုမြင်လိုက်ရကာ သူမသည်ချည်သား ဂွမ်းအင်္ကျီကိုဝတ်ဆင်ထားကြောင်း မြင်လိုက်ရသဖြင့် သူကသည်းခံရခက်လာခဲ့
သည်။
အဖွားကအပူကိုကြောက်ပြီး အအေးကိုမကြောက်ပေ။နွေရာသီတွင် လေအေးပေးစက်ဖွင့်သောအခါ သူမက လေကိုပိုရနိုင်သည့်နေရာတွင်အမြဲထိုင်ချင်ခဲ့လေသည်။ရံဖန်ရံခါတွင် လျှပ်စစ်ဓာတ်အား အလွန်အကျွံအသုံးမပြုနိုင်သဖြင့် လေအေးပေးစက်ကိုမဖွင့်ချင်သည့်အခါ ပန်ကာဖွင့်မည့်အစား ထိုပန်ကာကိုမလည်ခိုင်းတော့ပဲ သူမရှေ့၌လေယပ်ခပ်မည့် ယပ်တောင်တစ်ချောင်းကရှိနေပေလိမ့်မည်။
ဆောင်းရာသီရောက်ချိန်၌ သူမကသူတို့အိမ်၌ရှိနေလျှင် အပေါ်ဝတ်င်္အကျီကိုဝတ်ရန်အတွက်သူမအား ဆွဲဆောင်နိုင်သမျှနည်းမျိုးစုံနှင့် ဆွဲဆောင်နိုင်အောင်အမြဲကြိုးစားရန် လိုလေသည်။
VOUS LISEZ
An Accident in Broad Daylight || ဘာသာပြန်《Completed》
Roman d'amourTittle: 白日事故 [Bai Ri Shi Gu] Author: Gao Tai Shu Se(高台树色) English Translator: Chai Translations Chapters: 65 chapters+ 2 extra ❝𝙒𝙝𝙚𝙣 𝙝𝙚 𝙨𝙢𝙞𝙡𝙚𝙙 𝙖𝙩 𝙝𝙞𝙢, 𝙚𝙫𝙚𝙣 𝙩𝙝𝙚 𝙙𝙧𝙚𝙖𝙢 𝙙𝙖𝙯𝙯𝙡𝙚𝙙❞ *I got permission from the English tra...
