An Accident in Broad Daylight || ဘာသာပြန်《Completed》

Chapter 11

ကျိုးဟူသည် တံခါးအပြင်ဘက်တွင်ရှိနေသောသူကိုမြင်လိုက်ရချိန်တွင် အနည်းငယ်မျှအံ့ဩသင့်သွားခဲ့လေသည်။ထို့နောက်တွင်တော့ သူတို့အတွက်လမ်းဖွင့်ပေးလိုက်၏။

"အာ ဘာလို့ဒီလောက်တောင်သောက်လာရတာလဲ? မြန်မြန်အထဲကိုဝင်"

ရိကျယ်က သူမကို "အန်တီ"ဟုနှုတ်ဆက်လိုက်ပြီးနောက် ရွှီထန်းချန်ကို သူ့အခန်းထဲသို့တိုက်ရိုက်ပင် ဆွဲခေါ်သွားလိုက်၏။ကျိုးဟူသည် ရွှီထန်းချန်အပေါ်တွင် ခြုံထားသောဂျာကင်ကို ဆွဲဖယ်ပေးလိုက်ပြီး ရွှီထန်းချန်ကို ကုတင်ပေါ်သို့တင်ခိုင်းလိုက်လေသည်။

"သူကဘယ်လောက်ပဲ ပိန်ပိန်လေးဖြစ်နေပါစေအုန်း လျော့သောက်သင့်တာပေါ့ နည်းနည်းလောက်ပဲသောက်ရင် ရပြီကို ပိုသောက်ဖို့သူ့ကိုယ်သူ ဘာလို့တွန်းအားပေးနေမှန်းကို မသိဘူး"

သူမသည် ပါးစပ်မှမရပ်မနားငြီးတွားကာပြောနေသော်လည်း ရွှီထန်းချန်၏အပြင်ဘက်အဝတ်များကိုဂရုတစိုက်ဖယ်ရှားပေးပြီး သူ့ကိုခြုံပေးရန်အတွက် ပိုမိုပါးလွှာသောစောင်ကို ယူရန်အခြားအခန်းသို့သွားနေဆဲသာ။

စောင်၏အစွန်းနားက ရွှီထန်းချန်၏နှာခေါင်းနားသို့ပင်ရောက်ရှိသွားလေသည်။ကျိုးဟူသည် ၎င်းကိုအနည်းငယ်မျှဆွဲချလိုက်ပြီး ရွှီထန်းချန်၏မေးစေ့အောက်သို့ရောက်အောင် ဂရုတစိုက်ပြုလုပ်ပေးနေကြောင်း ရိကျယ်မြင်လိုက်ရ၏။

"ဘာလို့ သားအင်္ကျီသူ့ကိုပေးလိုက်ရတာလဲ?"

အိပ်ပျော်နေသောသူကို ဂရုစိုက်ပြီးနောက် ကျိုးဟူလှည့်ကြည့်လိုက်ချိန်တွင် ရိကျယ်မှာ ကျောင်းဝတ်စုံမှလွဲ၍ ဘာမှမဝတ်ထားသည့်အပြင် မျက်နှာတစ်ခုလုံး အေးစက်ကာနီရဲနေကြောင်း သတိထားမိသွားလေသည်။သူမက မျက်မှောင်ကြုတ်ကာ အံ့ဩသင့်စွာပြောလာ၏။

"အာ မင်းအအေးမိသွားရင်ဘယ်လိုလုပ်မလဲ?"

"အဆင်ပြေပါတယ် ကျွန်တော်မအေးပါဘူး"

ကျိုးဟူက ရိကျယ်၏ဂျာကင်ကိုထိုင်ခုံပေါ်တွင်တင်ထားခြင်းပင်။ခြေလှမ်းနှစ်လှမ်းလောက် လှမ်းလိုက်ပြီး လက်မောင်းပေါ်သို့ပြန်တင်ထားလိုက်လေသည်။