تقف "دلال" على اعتاب باب منزلها تتساير مع جارتها تلقي على مسامعها الكلمات المادحة التي لا تنتهي عن الشباب الخمس...
-تعرفي ولادي دول العيبة مبتطلعش من بوقهم..دي البنات اللي هتاخدهم امهاتهم دعيالهم...اه والله..مش عشان ولادي وكدة..لا بس دي كلمة حق..آه اصل الواحد المفروض يقول اللي ليه واللي عليه...ادب إيه واخلاق إيه...ربنا يحميهم حبايب قلبي...
جاءت ابنة جارتها من خلف والدتها مهللة بنبرة سريعة:
-الحقي ياما..الواد محمد جاب كام واحد ومسكين مطاوي وسكاكين ورايحين يتخانقوا مع اشرف واخواته..وشكلها هتبقى عاركة كبيرة...
برقت عين دلال وضربت على صدرها مرددة بصدمة عائدة داخل المنزل كي تتأكد من كلمات الفتاة:
-يالهوي ولادي..
بالأسفل...
حك "اشرف" أنفه...مستفسرًا من اشقائه وهو ينهض من مكانه ويرى تقدم محمد ومعه أربع رجال يحملون الأسلحة البيضاء:
-جاهزين يا رجالة...؟
قذف "جابر" اللفافة من فمه مجيبًا ببرود وهو ينهض هو الاخر ويداه تعرف طريقها لخلع حزام بنطاله مغمغم بشراسة:
-دايما جاهزين..عشان احنا ولاد سلطان.. ولاد سلطان اللي لو حد هوب ناحيتهم ولا جه على سكتهم...امه داعيه عليه..ويقدر يقول على نفسه يا رحمن يا رحيم…...
#أنظر_جيدًا.
#كارثة_الحي_الشعبي.
#فاطمة_محمد.
تفاعل حلو وفوتات كتير وكومنتات بتوقعاتكم عشان بأذن الله هنزلها على الأسبوع الجاي وهضبطلكم الأشخاص عشان ميحصلش لغبطة❤
