ياريت يا بنات التفاعل يعلى شوية واللي مبيعملش فوت يعمل عشان نسبة الفوتات بالنسبة لـ المشاهدات على الفصول قليلة جدا، فـ فضلا اللي حابب الرواية يعمل فوت على الفصول كتشجيع وحافز ليا❤️
وبالنسبة مواعيد الرواية فهي بتنزل اتنين وتلات وخميس 💫
***********************
أنظر جيدًا.
كارثة الحي الشعبي.
فاطمة محمد.
الفصل الثالث والثلاثون:
دخلت " ثراء" إلى غرفتها عقب استأذنها منهم بالاسفل متعللة بحاجتها للاستذكار، توجهت نحو الفراش متنهدة بصوت عالي يعبر عن استيائها وانزعاجها، فكلمات "ابرار" لا تزال يتردد صداها بأذنيها.
"جابر كان بيكلمها وهي اتوهمت انها حبيته، والحيوان كان بيبعتلها صور اخوه نضال على أنه هو، اتكلموا فترة ولما زهق بلكها، وداليدا وقتها اتجرحت ومعرفتش هو عمل كدة ليه، و لما شافت نضال في العزومة اول مرة افتكرته هو، بس الحمدلله الصورة وضحت، واكتشفت أنه جابر مش نضال"
مسحت على وجهها وهي تكز على فكيها غيظًا واشمئزاز من هذا الحقير وما فعله مع داليدا..
انفرج الباب فجأة و ولجت منه "ابرار" التي أغلقت الباب من خلفها، قائلة:
-دورت عليكي تحت قالولي انك هنا.
انتبهت إليها وتابعتها بعيناها متسائلة:
-في إيه؟
ردت بندم وضيق يليح على قسماتها:
-أنا اتكلمت مع داليدا كنت هقولها اني قولتلك كل حاجة على جابر، بس هي مش عايزاكي تعرفي، مكسوفة انك تعرفي وقالتلي هتكلم نضال وهتقوله يخلي اخوه يبعد عنك.
استنشفت ضيق ابرار فابتسمت لها بخفة محاولة تهوين وتخفيف حزنها ذلك، مغمغمة:
-طيب خلاص، ولا كأنك قولتيلي حاجة، داليدا مش هتعرف ومش هقول حاجة قدامها متقلقيش..
بادلتها بسمتها قائلة بترقب:
-بجد يا ثراء..
-اكيد بجد، أنتِ مكنش قصدك حاجة لما قولتيلي أنتِ خوفتي عليا، وعارفة انك بتحبي داليدا وخايفة تعرف انك قولتيلي، فنقدر نعتبره سرنا الصغير اللي محدش هيعرف عنه حاجة..
لم تنتظر "أبرار" أكثر واندفعت تحتضنها تشعر بالامتنان نحوها.....
*************
وطأت "فاطمة" بقدميها داخل المنزل رفقة كلا من دلال و عابد ونضال، تحرك بؤبؤ عيناها تفحصًا للمنزل وأثاثه..اتسعت حدقتاها انبهارًا مرددة باعجاب لم تكبحه:
-ده ايه الحلاوة دي، ده إحنا مش عايشين يا ولاد، ايه اللمبات دي كلها، منورة اوي كدة لي
