-ايه هي أسباب تلوث الهواء؟
اخذ أحمد نفسًا عميقًا ثم رد بذات الثقة:
-الاجابة يا ولدي بسيطة، فمن أسباب تلوث الهواء أكيد دخان السجاير، والشيشة بأنواعها.
عض جابر على شفتاه ثم صرخ بوجهه:
-هتكتب في الامتحان دخان السجاير والشيشة، اقـعـد ياض، اقعد بدل ما ارتكب فيك جريمة ويقولوا جابر قتل إبنه.
ثم اتجه نحو ابنه صابر وقبل أن يسأله أي شيء، اعترف الصغير ببرود شديد ولامبالاه:
-مذاكرتش حاجة ومش فاكر حاجة، متتعبش نفسك.
هز جابر رأسه و وضع يديه على كتفيه مغمغم:
-بارك الله فيك يا بني، وانا فعلا مش هسألك عشان صارحتك دي..
تحرك مطالعًا يوسف والذي نهض من مجلسه بهدوء، فهتف جابر:
-لا اقعد أنت دحيح وعارف أنك هتجاوب اقعد ريح.
ثم وقف أمام محمد وسأله:
-مذاكر يا محمد؟
-أيوة يا عمي، قصدي يا مستر.
-حلو أوي، لما نشوف سي فريد و آسر وقصي، قولولي ذاكرتوا زي يوسف ومحمد ولا خايبين زي ولادي؟
رد عليه فريد بصدق:
-أنا ذاكرت بس مش أوي بصراحة.
كذلك رد قصي:
-وأنا نمت ملحقتش اذاكر.
لم يتبقى سوى آسر والذي هتف بمرح:
-وأنا كنت قاعد معاكم بليل فأكيد مش هكون قاعد معاكم وهذاكر هي حاجة واحدة بس.
هنا وغضب جابر وابتعد عنهم عائدًا لمكانه بالأمام، صائحًا بهم مسببًا اندفاعهم من الحجرة:
-آه يعني افهم من كدة أنه محدش فيكم ذاكر…طب بقولكم إيه الحصة اتلغت يا شوية اوباش، مش عايز اشوف واحد فيكم، واللي هلمحه فيكم همرجحه، بــــــــــــرة.
بكرة هنزل الخاتمة وهتبقى كبيرة استنوها وبأمر الله هتعجبكم. 🥺❤️❤️
