Unicode
၁၆၁၃။ ဒီကမ္ဘာမှာသူစိတ်ရှိသလို
____________________
Systemရဲ့ကျောထောက်နောက်ခံကျေးဇူးနဲ့ ပြန်မွေးဖွားလာတဲ့ယန်ယွီဟွေ့က ယုံကြည်မှုတွေနဲ့ပြည့်နေပြီး သူ့အရင်ဘဝကချစ်ခဲ့ရတဲ့မိန်းကလေးကိုပိုးပန်းဖို့ သူ့မှာအရည်အချင်းရှိတယ်လို့ ခံစားလာရတယ်။
ဒီရှာဖွေရေးsystemနဲ့ဆို သူအစွမ်းကုန်ကြိုးစားပြီး ဒီကမ္ဘာမှာ သူစိတ်ရှိသလိုအမြင့်တက်နိုင်တယ်။
ငွေတွေက ဘက်ပေါင်းစုံကနေလှိမ့်ဝင်လာမှာ။ ကျော်ကြားမှု၊ အဆင့်အတန်းနဲ့မိန်းမတွေဆိုတာကလည်း သူလက်လှမ်းမမှီနိုင်တဲ့အရာတွေမဟုတ်တော့ဘူး။
ချန်ကျန်းနန်မှာ ရည်းစားရှိနေပြီဆိုတာသိပေမယ့် သူ သူမကို အောင်အောင်မြင်မြင်ခိုးယူနိုင်တယ်လို့ သူခံစားနေရသေးတယ်။ သူမသဘောကျတာက အသံဆို သူမ သူ့ကိုမရွေးစရာဘာအကြောင်းမှမရှိဘူး။
ယန်ယွီဟွေ့က ကျောင်းမင်းသမီးလေးချန်ကျန်းနန်ကိုပိုးပန်းမယ်လို့ကြေညာလိုက်ပေမယ့် သူ့ရဲ့အဆောင်တူအခန်းဖော်တွေက သူ့ကိုမယုံကြဘူး။ သူရူးသွားတာဖြစ်ရမယ်လို့ သူတို့ကတွေးတယ်။ ချန်ကျန်းနန်က ဘာလို့ သူ့လိုဆင်းရဲသားငမွဲကောင်အတွက်နဲ့ သူမရဲ့ကောင်းမွန်ပြည့်စုံတဲ့ဒုတိယမျိုးဆက်လူချမ်းသာရည်းစားကို ဘေးဖယ်ရမှာလဲ? ဒါကြောင့် သူ့အခန်းဖော်တွေက ရုတ်ရုတ်,ရုတ်ရုတ်နဲ့ လောင်းကြေးတွေတောင်ထပ်လိုက်ကြသေး။
ယန်ယွီဟွေ့က ယုံကြည်မှုတွေလွန်ကဲနေတာမို့ သူက ပန်းနည်းနည်းဝယ်လိုက်ပြီး ချန်ကျန်းနန်ကိုဖွင့်ပြောဖို့ ဘာအချိန်မှဆိုင်းမနေတော့ဘူး။
ဒါပေါ့၊ သူ အငြင်းခံရတယ်လေ။ ချန်ကျန်းနန်က သူဘယ်သူဆိုတာတောင်မသိတာကို ဘယ်လိုလုပ်ပြီး သူ့ကောင်မလေးလုပ်ဖို့ သဘောတူနိုင်မှာတုန်း? ဒါ့အပြင် သူမမှာ ရည်းစားရှိပြီးသားလေ။
ချန်ကျန်းနန်သာ သူမကိုဖွင့်ပြောသမျှကောင်လေးတိုင်းနဲ့ရည်းစားလုပ်ဖို့သဘောတူရရင် သူမမှာ ရည်းစားဘယ်နှယောက်တောင်ရှိနေမလဲ?
YOU ARE READING
Superstar System (Realm-25)[Myanmar Translation]
AdventureName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Superstar System (Realm-25) E-trans lin...
![Superstar System (Realm-25)[Myanmar Translation]](https://img.wattpad.com/cover/282541636-64-k695523.jpg)