Superstar System (Realm-25)[Myanmar Translation]

Chapter - 63

Unicode

၁၆၇၁။ ခမ်းနားလွန်းသောမင်္ဂလာပွဲ
________________________

ဘွဲ့ရပြီးတစ်နှစ်အကြာမှာ ချန်ကျန်းနန် လီရှင်းကျယ်နဲ့လက်ထပ်ခဲ့သည်။

မင်္ဂလာအခမ်းအနားက ကြီးကျယ်လွန်းကာ နိုင်ငံရေးသမားတွေနဲ့စီးပွားရေးလုပ်ငန်းရှင်တွေအားလုံးလာကြသည်။ မင်္ဂလာပွဲကြီးတစ်ခုလုံးက ထူးထူးခြားခြားကြီးကျယ်ခမ်းနားလှ၏။ မြင်ရုံနဲ့တင် လူတွေကို မူးမေ့သတိလစ်သွားစေနိုင်တာမို့ အဓိကဇာတ်ဆောင် ချန်ကျန်းနန်ရဲ့တုန့်ပြန်ပုံကို ဖော်ပြနေရန်မလိုတော့ပြီ။

ဒီမင်္ဂလာပွဲတစ်ခုတည်းကပင် လူတွေပါးစပ်ဖျားမှာရေပန်းစားလာသည်။

ယန်ယွီဟွေ့တစ်ယောက် ပန်းချီကားထဲကထွက်လာသလိုထင်ရတဲ့တီဗွီထဲမှစုံတွဲကို စူးစိုက်ကြည့်နေမိသည်။ ယန်ယွီဟွေ့ရဲ့ပါးစပ်ထောင့်မှာ တံတွေးတွေရှိနေပြီး သူ့ပါးစပ်ကနေ ချွဲကြပ်နေသံတိုးတိုးထွက်လာနေသည်။

ယန်ယွီဟွေ့ရဲ့မျက်လုံးတွေက တီဗွီကိုစိုက်ကြည့်နေ၏။ ဒီနှစ်ယောက် လက်ထပ်ကြပြန်ပြီ၊ ပြီးတော့ မင်္လာပွဲက သူ့အရင်ဘဝတုန်းကထက်တောင်ခမ်းနားတယ်။

သူကတော့ သူ့အရင်ဘဝတုန်းကထက်ဆိုးတဲ့အခြေအနေမှာရောက်နေတယ်။ အရင်ဘဝမှာတုန်းက သူ ရုပ်ရှင်ရိုက်ကွင်းမှာ ထူးထူးဆန်းဆန်းအလုပ်တွေလုပ်ရလို့ ချန်ကျန်းနန်ရဲ့မင်္ဂလာပွဲကိုတက်ဖို့တောင် အရာ်အချင်းမမီဘူး။

ဒီဘဝက အရင်ဘဝထက်တောင်ဆိုးသေးတယ်။ သူက ဒုက္ခိတတစ်ယောက်လိုပဲ၊ လုံးဝမလှုပ်နိုင်ဘူး။

သူ ဘာအတွက်ပြန်မွေးဖွားလာရတာလဲ? ဘုရားသခင်က တိုးတက်ကြီးပွားဖို့အခွင့်အရေးပေးပြီး သူ့ကိုကစားနေတာပဲ။ သူ ယုံကြည်မှုတွေနဲ့ပြည့်နေခဲ့တာ၊ ဒါပေမယ့် မျှော်လင့်ချက်ကို ရိုက်ချိုးခံလိုက်ရပြန်တယ်။

"ဒုက္ခိတဖြစ်သွားတဲ့အထိစာကြိုးစားတာ တကယ်ရောဖြစ်နိုင်လို့လား?"

အခန်းအပြင်ကနေ ခနဲ့တဲ့တဲ့အမျိုးသမီးအသံတစ်သံထွက်လာသည်။

"တစ်မိသားစုလုံးက သူ စာသင်နိုင်ဖို့ ခြစ်ခြစ်ကုတ်ကုတ်စုဆောင်းခဲ့ရတာ။ ဒီလိုရလာတဲ့ပိုက်ဆံနဲ့ နင်က စားလိုက်သောက်လိုက်။ မိသားစုဝင်တွေ ဘယ်လောက်ပိန်ကပ်နေလဲမြင်ရဲ့လား?"