Unicode
၁၆၅၄။ သူမ နည်းနည်းလောက်ယူလို့ရလား?
______________________
ချက်လက်မှတ်က ယွမ်ငါးသန်းတန်သည်။
ဒီဂဏန်းကိုမြင်တဲ့အခါ ဖန်းမုန့်ဟန် လန့်သွားရပြီး သူမရဲ့နှလုံးသားကတဒိတ်ဒိတ်ခုန်လာတော့သည်။
ဒုတိယနှစ်ကျောင်းသားပေမယ့် ယန်ယွီဟွေ့အိမ်ဝယ်နိုင်တာ အံ့ဩစရာမရှိတော့ဘူး။ သူသာ ခပ်လျှိုလျှိုလေးနေချင်လို့မဟုတ်ရင် သူ ကားပါဝယ်လောက်တယ်။
ပြီးတော့ ယန်ယွီဟွေ့မှာ ကားဝယ်ဖို့အစီအစဉ်ရှိပြီးသား။
ယွမ်ငါးသန်း။ လူအတော်များများ သူတို့တစ်ဘဝလုံးမှာတောင် ဒီလောက်အများကြီးမရှာနိုင်လောက်ဘူး။
ဇာတ်ညွှန်းလေးနည်းနည်းနဲ့ဇာတ်ဝင်တေးလေးနည်းနည်းနဲ့ ဒါက ငွေတွေဒလဟောဝင်လာသလိုပဲ။
ဖန်းမုန့်ဟန်က ချက်လက်မှတ်ကို သူမအိတ်ထဲထည့်လိုက်ပြီး အိတ်ကို ခပ်တင်းတင်းဆုပ်ကိုင်ထားလိုက်သည်။
ကုမ္ပဏီကနေထွက်လာရင်း ဖန်းမုန့်ဟန်တစ်ယောက် အတင့်ရဲတဲ့အကြံတစ်ခုရလိုက်သည်။ ယွမ်ငါးသန်းတန်ချက်လက်မှတ်ကို ငွေသားနဲ့လဲလိုက်ရင်ကော?
သူမ နည်းနည်းလောက်ယူလို့ရနိုင်လား?
ဘယ်လိုပဲဖြစ်ဖြစ် လက်ရှိယန်ယွီဟွေ့က စကားတောင်ပီအောင်မပြောနိုင်တာဆိုတော့ သူ SKကုမ္ပဏီကိုမေးမှာမဟုတ်ဘူး။
ငွေကြေးက လူတွေရဲ့စိတ်ကိုလှုပ်ရှားစေသည်။ ဖန်းမုန့်ဟန်ရဲ့စိတ်က ဆွဲဆောင်ခံလိုက်ရ၏။ အဲ့အတွေးက သူမကို အဆက်မပြတ်သွေးဆောင်နေတော့သည်။
ဖန်းမုန့်ဟန်ရဲ့လက်ဖဝါးတွေမှာ ချွေးတွေရွှဲလာသည်။ သူမရဲ့အမူအရာက သူမရဲ့ရုန်းကန်နေရမှုကိုပြနေ၏။ ထို့နောက်မှာတော့ သူမက သက်ပြင်းရှည်ကြီးချလိုက်တော့သည်။
ပိုက်ဆံလေးနည်းနည်းလောက်အတွက်နဲ့ ယန်ယွီဟွေ့နဲ့ခွာပြဲဖို့မလိုဘူး။ နောက်ပိုင်းကျ သူမက ဖျော်ဖြေရေးလောကထဲဝင်မှာ။ သူမ နာမည်ကြီးလာရင် ယွမ်သန်းနဲ့ချီရဖို့ကအသေးအမွှားလေးပဲ။
YOU ARE READING
Superstar System (Realm-25)[Myanmar Translation]
AdventureName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Superstar System (Realm-25) E-trans lin...
![Superstar System (Realm-25)[Myanmar Translation]](https://img.wattpad.com/cover/282541636-64-k695523.jpg)