YOU ARE READING

Superstar System (Realm-25)[Myanmar Translation]

Adventure

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Superstar System (Realm-25) E-trans lin...

#adventure #counterattack #superstar #system #transmigration

Chapter - 39

1.4K 234 3 
                                    

                                              
Unicode 
၁၆၄၇။ ဟန်လုပ်နေတာ
___________________ 
မြင်နေရတဲ့ပုံအရတော့ ဖန်းမုန့်ဟန်က ဟန်လုပ်နေခြင်းသက်သက်သာဖြစ်၏။ သူမက သူမနဲ့သူမရဲ့စီနီယာက အဆင်ပြေတယ်ပြောနေပေမယ့် သူမရဲ့စိတ်တိုနေတဲ့ပုံစံက အားလုံးကိုချပြလိုက်ပြီဖြစ်သည်။ 
ဖန်းမုန့်ဟန် စိတ်ပျက်သွားတာကိုနဉ်ရှုတွေ့တဲ့အခါ သူမ ပိုပြီးစိတ်ပျော်လာသည်။ 
ယန်ယွီဟွေ့ သူမကိုသံသယဝင်ရတာက ဖန်းမုန့်ဟန် စကားများလွန်းလို့ပဲ။ 
ခဏကြာပြီးနောက် ဖန်းမုန့်ဟန်က ရေချိုးခန်းထဲမှထွက်လာကာ အဝတ်လဲသည်။ အရင်ကဆို ဖန်းမုန့်ဟန်က အမြဲလိုလိုစကတ်တွေဝတ်တတ်သည်။ 
ဖန်းမုန့်ဟန်က ရိုးရိုးလေးနဲ့ကြည့်ကောင်းတာမို့ စကတ်ဝတ်လိုက်တဲ့အခါမှာ သူမက နတ်ဘုရားမတစ်ပါးလိုပင်။ သို့သော်ငြား ဒီနေ့မှာတော့ ဖန်းမုန့်ဟန်က ဘောင်းဘီရှည်နဲ့ရှူးဖိနပ်ကိုစီးထားသည်။ 
သူမရဲ့ဟန်ပန်က ရန်ပွဲတစ်ခုထဲဝင်ပါတော့မယ့်သူလိုမျိုးဖြစ်၏။ သူမက အားလုံးထက် အဆင်ပြေပြေလှုပ်ရှားနိုင်ဖို့ကိုဦးစားပေးထားသည်။ 
ဖန်းမုန့်ဟန်က နဉ်ရှုကို မုန်းတီးစွာစိုက်ကြည့်လိုက်ပြီးနောက် သူမအိတ်ကိုယူကာထွက်သွားသည်။ 
နဉ်ရှုက ဦးထုပ်တစ်လုံးကောက်ဆောင်းကာ ဖန်းမုန့်ဟန်နောက်ကလိုက်သွားသည်။ 
ယန်ယွီဟွေ့က ကျောင်းမှာမနေတော့ပေ။ နဉ်ရှုမှာ ယန်ယွီဟွေ့ရဲ့လိပ်စာကိုမသိတာမို့ ဖန်းမုန့်ဟန်နောက်ကနေသာလိုက်နိုင်သည်။ ယန်ယွီဟွေ့ဘယ်မှာနေတယ်ဆိုတာ ဖန်းမုန့်ဟန်သိလောက်တယ်။ 
ဖန်းမုန့်ဟန်က ကျောင်းကနေအလောတကြီးထွက်သွားပြီး နဉ်ရှုက သူမနောက်ကနေလိုက်သွားသည်။ 
ဆယ်မိနစ်ခန့်လမ်းလျှောက်ပြီးချိန်မှာ ကျောင်းနဲ့မလှမ်းမကမ်းမှာရှိတဲ့ အဆင့်မြင့်တိုက်ခန်းအိမ်ရာတစ်ခုကို ဖန်းမုန့်ဟန်ရောက်သွားသည်။ 
တက္ကသိုလ်နယ်မြေထဲမှာရှိပြီးလုံခြုံရေးကောင်းတဲ့ဒီလိုတိုက်ခန်းမျိုးကိုဝယ်နိုင်ဖို့ဆို ယန်ယွီဟွေ့ပိုက်ဆံတွေအများကြီးရလိုက်တာပဲဖြစ်ရမယ်။
Superstar System (Realm-25)[Myanmar Translation]Where stories live. Discover now