YOU ARE READING

Superstar System (Realm-25)[Myanmar Translation]

Adventure

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Superstar System (Realm-25) E-trans lin...

#adventure #counterattack #superstar #system #transmigration

Chapter - 34

1.6K 267 2 
                                    

                                              
Unicode 
၁၆၄၂။ ချန်ကျန်းနန်နဲ့ပတ်သက်ပြီးမူမမှန်တာ?
_________________________ 
ဒီလောက်များပြားတဲ့အမုန်း‌တွေ ဘယ်ကရောက်လာတယ်ဆိုတာ ယန်ယွီဟွေ့မသိပါချေ။ 
ယန်ယွီဟွေ့နဲ့နဉ်ရှုက အချင်းချင်းပွတ်ကာသီကာဖြတ်ကျော်သွားကြသည်။ ယန်ယွီဟွေ့က မျက်မှောင်ကုတ်ကာ နဉ်ရှုကိုလှည့်မေးသည်။ 
"ဖန်းမုန့်ဟန် အဆောင်ကိုပြန်ရောက်ပြီလား?" 
နဉ်ရှု နည်းနည်းအံ့ဩသွားသည်။ သူက ဘာလို့ သူမကို ဒီလိုကိစ္စမျိုးလာမေးနေတာလဲ? ဖန်းမုန့်ဟန်ကိုပဲဖုန်းဆက်လိုက်လို့မရဘူးလား? နဉ်ရှုကပြောသည်။ 
"ရောက်ပြီ။" 
ယန်ယွီဟွေ့က လှည့်ထွက်သွား၏။ 
တကယ်ဦးနှောက်ခြောက်လိုက်တာ။ 
နဉ်ရှုက တက္ကစီတစ်စီးတားလိုက်ပြီး အဆောင်ကိုပြန်သွားသည်။ 
ယန်ယွီဟွေ့က ရိုက်ကွင်းကနေထွက်သွားကာ ဖုန်းထုတ်လိုက်ပြီး ဖန်းမုန့်ဟန်ကိုခေါ်သည်။ 
ယန်ယွီဟွေ့က သူမကိုဖုန်းခေါ်နေတာတွေ့တော့ ဖန်းမုန့်ဟန် အတော်လေးပျော်သွားသည်။ သူမက အလျင်အမြန်မေး၏။ 
"ဘာဖြစ်လို့လဲ စီနီယာ?" 
ယန်ယွီဟွေ့က ဖန်းမုန့်ဟန်ကိုမေးသည်။ 
"မင်းနဲ့တစ်ဆောင်တည်း‌နေတဲ့ချန်ကျန်းနန်အကြောင်းမေးမလို့..." 
"စီနီယာက ဘာအတွက်သူ့အကြောင်းမေးတာလဲ? သူ့ကိုချစ်ခွင့်ပန်ချင်နေတုန်းလား?" 
ဖန်းမုန့်ဟန်က မကျေမနပ်နဲ့မေးသည်။ သူမ ရုတ်ချည်းပင်စိတ်တိုလာ၏။ 
သူ ချန်ကျန်းနန်ကိုလက်မလျှော့သေးဘူးလား? ချန်ကျန်းနန်က တကယ်အံ့ဩဖို့ကောင်းတာပဲ။ သူ့မှာ ဒုတိယမျိုးဆက်လူချမ်းသာကောင်လေးရှိရုံတင်မကဘူး၊ စီနီယာကတောင် သူ့ကိုစိတ်ဝင်စားနေတုန်း။ 
"ငါက ချန်ကျန်းနန်နဲ့ပတ်သက်ပြီး မူမမှန်တာတစ်ခုခုရှိလားမေးချင်ရုံပဲ။" 
ယန်ယွီဟွေ့မှာ အတော်လေးစိတ်မသက်မသာခံစားနေရသည်။ ဒီခံစားချက် ဘယ်ကဖြစ်လာတယ်ဆိုတာကိုတောင်သူမပြောနိုင်ဘူး။
Superstar System (Realm-25)[Myanmar Translation]Where stories live. Discover now