Superstar System (Realm-25)[Myanmar Translation]

Chapter - 9

Unicode

၁၆၁၇။ နင် ဘာလို့ သူနဲ့ရန်ဖြစ်တာလဲ?
__________________

လီရှင်းကျယ်ကသာ အမှိုက်ကောင်ဆို နဉ်ရှုက လှည့်ထွက်သွားမည်ဖြစ်၏။ သို့သော်ငြား လီရှင်းကျယ်က မူလခန္ဓာရှင်ကာကွယ်ပေးချင်တဲ့သူဖြစ်နေသည်။

"နင် ဘာလို့သူနဲ့ရန်ဖြစ်တာလဲ?"

နဉ်ရှုကမေးသည်။

လီရှင်းကျယ်က လက်တစ်ဖက်နဲ့ ဆံပင်သပ်တင်သည်။ သူ လက်မြှောက်လိုက်တဲ့အခါ သူ့ချိုင်းမွေးတွေပေါ်လာသည်။

နဉ်ရှုက တိတ်တိတ်ကလေးခြေနှစ်လှမ်းဆုတ်၏။

"ဒါက တကယ်ငါ့အမှားမဟုတ်ဘူး။ ငါတို့က ဘတ်စကတ်ဘောကစားနေတာ၊ ပြီးတော့ သူက ငါ့ဆီလာပြီး ငါတို့နဲ့ပြိုင်ကစားချင်တယ်။ ကစားနေတုန်းမှာ သူက ဘတ်စကတ်ဘောကို သူများကိုယ်ပေါ် တမင်တကာရိုက်ချတယ်။ သူက ကျောင်းကျီကိုတောင်‌မြေကြီးပေါ်တွန်းချလိုက်သေးတယ်။ အဲ့ခွေးမသားက သေချာပေါက်တမင်လုပ်တာ။ ငါက သူ့ကိုတောင်ပြသနာသွားမရှာရသေးဘူး၊ သူက ငါ့ကိုအရင်လာရှာတယ်။"

"အဲ့ကောင်က တကယ်ရူးနေတယ်လို့ မင်းမထင်ဘူးလား?"

လီရှင်းကျယ်ကပြောသည်။

"သူ ဘာတွေမောက်မာနေတယ်ဆိုတာ ငါမသိတော့ဘူး။"

လက်ရှိယန်ယွီဟွေ့က သူ့ရဲ့ဖျော်ဖြေရေးsystemကျေးဇူးနဲ့ သူ့စိတ်ကြိုက်သုံးလို့ရတဲ့များပြားလွန်းတဲ့အရင်းအမြစ်တွေကြောင့် ရူးနေတာလေ။

"ဒါဆို နင် ဒဏ်ရာရသွားသေးလား?"

နဉ်ရှုက လီရှင်းကျယ်ကိုအကဲခတ်သည်။

"ငါအဆင်ပြေတာပေါ့။ ငါက အရမ်းအင်အားကြီးပြီးစွမ်းဆောင်နိုင်တယ်လေ။ ငါက ခါးကုန်းကောင်ကို အနိုင်မယူနိုင်တာ ဘယ်လိုလုပ်ဖြစ်နိုင်မှာလဲ? ပြီးတော့ ငါ့ဘက်မှာ ငါ့ကိုကူဖို့လူတွေအများကြီးရှိတယ်၊ သူ့ဘက်ကလူနည်းနည်းလောက်ကပဲ ငါ့ကိုဆန့်ကျင်ဖို့ လက်မြှောက်တာ။"

လီရှင်းကျယ်က ဘဝင်ခိုက်စွာဆို၏။

လီရှင်းကျယ်မှာက ကျန်းမာသန်စွမ်းတဲ့ခန္ဓာကိုယ်ရှိသည်။ သူက ရန်ဖြစ်တာမှာရှုံးစရာအကြောင်းမရှိပေ။ ဒါ့အပြင် သူ့မိသားစုနောက်ခံကြောင့် လူတွေက သူဘာလုပ်လုပ်ချီးကျူးကြမည်ဖြစ်၏။ သူတို့က သူ့ကိုမချီးကျူးရင်တောင် သူနဲ့ဝေးနိုင်သမျှဝေးဝေးမှာနေကြမှာဖြစ်သည်။