Unicode
၁၆၂၈။ အရည်အချင်းရှိတဲ့လူ
___________________
ထို့နောက်မှာတော့ နဉ်ရှုက နာမည်ကြီးသီချင်းတွေအားလုံးကို ကြိုးကြိုးသားစားရေးလိုက်ပြီး လီမိသားစုကုမ္ပဏီဆီပို့လိုက်သည်။
ယန်ယွီဟွေ့က ဒီသီချင်းတွေကို သူကိုယ်တိုင်အတွက်သိမ်းထားချင်တာ။ တစ်ယောက်ယောက်က ဒီသီချင်းတွေကို သူ့အရင်ထုတ်ပြီး သူမဆိုခင် သူများဆိုထားပြီးသားဖြစ်နေတာကို သူ တစ်ခါမှတွေးမိမှာမဟုတ်ဘူး။
"ဒင်"ဆိုတဲ့အသံတစ်သံထွက်လာသည်။ လီမိသားစုကုမ္ပဏီက 'မြွေဖြူမလေးရဲ့ဒဏ္ဍာရီအသစ်'ဇာတ်ညွှန်းကို သူတို့ အတော်လေးသဘောကျပြီး ဈေးနှုန်းညှိနှိုင်းဆွေးနွေးဖို့ နဉ်ရှုနဲ့တွေ့ချင်တယ်လို့ပြောထားတဲ့အီးမေးလ်တစ်စောင်ပို့လာတာဖြစ်သည်။
နဉ်ရှုကတော့ လီမိသားစုကုမ္ပဏီကလူတွေနဲ့သေချာပေါက်မတွေ့ပါချေ။ သူမက ဒီစာသင်နှစ်ရဲ့ကျူရှင်ခကိုကာမိအောင် ယွမ်တစ်သောင်းသာတောင်းလိုက်သည်။
ယွမ်တစ်သောင်းက ဘာမှမဟုတ်ပေ။ ကုမ္ပဏီဘက်ကလူတွေက နဉ်ရှုက အရည်အချင်းရှိတဲ့လူဖြစ်ပြီး သူတို့ကုမ္ပဏီမှာ အလုပ်လာလုပ်လို့ရတယ်လို့ပြောကာ သူမနဲ့ တကယ်တွေ့ချင်နေသည်။ သူတို့က သူမကို သေချာပေါက်ကောင်းကောင်းဆက်ဆံပါ့မယ်လို့ ကတိပေးသည်။
နဉ်ရှု : →_→
သူမမှာ ဘာအရည်အချင်းမှမရှိဘူးရယ်။
နဉ်ရှုက ချက်ချင်းငြင်းပယ်လိုက်ပြီး တစ်ပုဒ်ကိုယွမ်ငါးရာနှုန်းနဲ့ သီချင်းတချို့ပို့ပေးလိုက်သည်။
ကုမ္ပဏီက သူမကို လိုလိုချင်ချင်ပင်ပိုက်ဆံပေးသည်။ သူတို့က သူမကိုဆွဲခေါ်ချင်တာကြောင့်ဖြစ်နိုင်ပေမယ့် သူတို့က အရင်ကထက်နှစ်ဆပိုပေးပြီး သူမမှာ တခြားလက်ရာကောင်းတွေရှိရင် သူတို့ကိုအရင်ဆက်သွယ်သင့်ကြောင်းလည်းပြောကြားလာ၏။
နဉ်ရှုက ယန်ယွီဟွေ့ရဲ့လက်ပ်တော့ပ်ကို နေ့တိုင်းစောင့်ကြည့်နေသည်။ ယန်ယွီဟွေ့ ဇာတ်ညွှန်းရေးလို့အတော်လေးပြီးနေတာကိုတွေ့တဲ့အခါ သူမက ချက်ချင်းခိုးလိုက်ပြီး ရေးလို့မပြီးသေးတဲ့အပိုင်းတွေကို သူမဘာသာလက်စသတ်ရေးလိုက်ကာ ဖိုင်ကိုပို့လိုက်တော့သည်။
YOU ARE READING
Superstar System (Realm-25)[Myanmar Translation]
AdventureName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Superstar System (Realm-25) E-trans lin...
![Superstar System (Realm-25)[Myanmar Translation]](https://img.wattpad.com/cover/282541636-64-k695523.jpg)