Superstar System (Realm-25)[Myanmar Translation]

Chapter - 40

Unicode

၁၆၄၈။ သူ့အလုပ်ထက် ဘာကမှပိုအရေးမကြီး
______________________

နဉ်ရှုရဲ့စကားတွေက ‌ဖန်းမုန့်ဟန်ကို ဒေါသတွေနဲ့ဆူဝေနေတဲ့အထိဖြစ်သွားအောင်ဆွပေးခဲ့ထားပြီဖြစ်ရကား အဲ့မိန်းမကိုမြင်တဲ့အချိန်မှာ ဖန်းမုန့်ဟန်တစ်ယောက် သူမဒေါသကိုဆက်ထိန်းမထားနိုင်တော့ပါချေ။

ဖန်းမုန့်ဟန်က လုံရှောင်းရှောင်းကိုပါးရိုက်ဖို့အတွက် လက်ကိုမြှောက်ကာ ရှေ့ကိုခပ်သွက်သွက်လျှောက်လာသည်။ သို့ပေသိ လုံရှောင်းရှောင်းက လူတိုင်းရိုက်ပုတ်လို့ရနိုင်တဲ့ပန်းဖြူလေးမဟုတ်ပါချေ။ အမျိုးသားတွေကိုတောင်အနိုင်ယူလာခဲ့တဲ့သူမလိုပန်းတစ်ပွင့်အနေနဲ့ သူမက တခြားသူတွေကို အရင်အနိုင်မကျင့်တာကပင်အတော်လေးကောင်းနေပြီဖြစ်၏။

လုံရှောင်းရှောင်းက ဖန်းမုန့်ဟန်ရဲ့လက်ကို ချက်ချင်းဖမ်းကိုင်လိုက်ကာ သူမကို ကိုင်ပေါက်ပစ်လိုက်ပြီး သူမကို ဘယ်ပြန်ညာပြန်ပါးရိုက်တော့သည်။

ယန်ယွီဟွေ့က ဖန်းမုန့်ဟန်ကိုဆွဲထုတ်ပေးလို့သာမဟုတ်ရင် ဖန်းမုန့်ဟန်ရဲ့မျက်နှာက အခုထက်ပင်ပိုယောင်ကိုင်းနေလောက်သည်။

ဖန်းမုန့်ဟန်က အရိုက်ခံလိုက်ရပေမယ့် ယန်ယွီဟွေ့က သူမကို နည်းနည်းမှမသနားပေ။

ယန်ယွီဟွေ့က အတော်လေးဒေါသထွက်သွား၏။ သူ့မှာပြဿနာတွေအများကြီးဖြစ်နေတာမို့ သူ ဒေါသထွက်နေရပြီးပြီဖြစ်ပေမယ့် ဖန်းမုန့်ဟန်က အခုထိပြဿနာလိုက်ရှာနေသေးသည်။

ယန်ယွီဟွေ့စိတ်ထဲမှာ သူ့အလုပ်ထက်ပိုအရေးကြီးတာဘာမှမရှိပေ။ သူအောင်မြင်တာနဲ့ သူ့မှာ ငွေကြေး၊ မိန်းမ၊ အဆင့်အတန်းတွေရှိလာမည်ဖြစ်၏။

ဖန်းမုန့်ဟန်ရဲ့စိတ်ထဲကမကျေနပ်ချက်တွေက ပိုများပြားလာ၏၊ အထူးသဖြင့် ကိုယ့်ကိုကိုယ်ကျေနပ်အားရနေပြီးအထက်စီးဆန်တဲ့လုံရှောင်းရှောင်းကိုတွေ့လိုက်ရချိန်မှာပင်။ ဒီမိန်းမက အဆောင်မှာရှိတဲ့ချန်ကျန်းနန်ထက်တောင်ပိုမုန်းဖို့ကောင်းတယ်လို့ ဖန်းမုန့်ဟန်ခံစားလိုက်ရသည်။