YOU ARE READING

Superstar System (Realm-25)[Myanmar Translation]

Adventure

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Superstar System (Realm-25) E-trans lin...

#adventure #counterattack #superstar #system #transmigration

Chapter - 8

2.2K 384 12 
                                    

                                              
Unicode

                          
၁၆၁၆။ ကံကောင်းတာကလည်းအင်အားတစ်မျိုးပဲ
_____________________

                          
ဖန်းမုန့်ဟန်က အထင်တသေးနဲ့နှုတ်ခမ်းတွန့်လိုက်ပြီး စကားလမ်းကြောင်းပြောင်းသည်။

                          
"နင်က လီရှင်းကျယ်ကို ကောင်လေးအနေနဲ့ရထားတာ တကယ်ကံကောင်းတာပဲ။ သူ့မိသားစုက ဖျော်ဖြေရေးကုမ္ပဏီတစ်ခုပိုင်တယ်။ နင် ဘွဲ့ရပြီးတာနဲ့ အမျိုးသမီးဇာတ်လိုက်နေရာရမှာပဲ။ ဒါက ငါတို့လိုသနားစရာကောင်းတဲ့လူတွေထက် အများကြီးပိုကောင်းတယ်။"

                          
ဖန်းမုန့်ဟန်ရဲ့လေသံက မကြည်မသာဖြစ်နေပြီး နဉ်ရှုက ငွေကြေးထောက်ပံ့ပေးတဲ့လူနဲ့ချစ်ကြိုက်နေတယ်လို့ပြောဖို့ တစ်ဆင့်သာလိုတော့သည်။ 

                          
နဉ်ရှုက ဖန်းမုန့်ဟန်ကိုကြည့်သည်။ ဖန်းမုန့်ဟန်က အပျော်မယားတစ်ယောက်လိုပဲ သူမရဲ့အမျိုးသားကို တခြားမိန်းမတွေနဲ့မျှဝေဖို့ဆန္ဒရှိတယ်။ သူမကလည်း ငွေကြေးထောက်ပံ့ပေးတဲ့သူနဲ့ကြိုက်နေတာပဲမဟုတ်ဘူးလား?

                          
ယန်ယွီဟွေ့ရဲ့မိန်းမတွေအကုန်လုံးက အပျော်မယားသာသာပဲ။

                          
ဖန်းမုန့်ဟန်က လီရှင်းကျယ်နဲ့ချန်ကျန်းနန်ရဲ့ဆက်ဆံရေးကြောင့် အခုလက်ရှိမှာ ချန်ကျန်းနန်ရနေတဲ့အဆင်သင့်အကျိုးကျေးဇူးတွေကိုပဲမြင်တာ။ ဒါပေမယ့် လီရှင်းကျယ်အကြပ်အတည်းဖြစ်နေချိန်မှာ ချန်ကျန်းနန်အတွက်ဘယ်လိုရှိလဲဆိုတာ သူမ မတွေ့ဘူး။ ချန်ကျန်းနန်က လီရှင်းကျယ်ဘေးမှာအေးအတူပူအမျှ ခိုင်ခိုင်မာမာရပ်ပေးခဲ့တာ။

                          
ဖန်းမုန့်ဟန် အဲ့လိုလုပ်နိုင်မှာလား? အချစ်ဆိုတာမျိုးက လူနှစ်ယောက်ကြားက အထူးသီးသန့်အရာတစ်ခုပဲ၊ ဒါတောင် ဖန်းမုန့်ဟန်က ယန်ယွီဟွေ့မှာတခြားမိန်းမတွေအများကြီးရှိနေတာကို သည်းခံနိုင်တယ်။ ဒါက သူမက တခြားအရာတွေနောက်လိုက်နေလို့မဟုတ်ဘူးလား?

                          
"အင်း၊ ငါ အတော်လေးကံကောင်းတယ်။ ကံဆိုတာလည်း အင်အားတစ်မျိုးပဲလေ။"

                          
နဉ်ရှုက ခပ်ပေါ့ပေါ့ဆိုသည်။

                          
မူလခန္ဓာရှင်ချန်ကျန်းနန်နဲ့ဖန်းမုန့်ဟန်က တကယ်ကြီးဆက်ဆံရေးကောင်းလှတယ်မဟုတ်ဘူး။ သူတို့နှစ်ယောက်လုံးက ကျောင်းအလှလေးတွေဆိုပေမယ့် ဖန်းမုန့်ဟန်က ချန်ကျန်းနန်က လူချမ်းသာတစ်ယောက်ရဲ့ထောက်ပံ့ပေးတာကိုခံနေရပြီး သူမကိုယ်တိုင်ကတော့ ရွှံ့နွံကြားမှာမစွန်းမထင်းပွင့်လန်းနေတဲ့သန့်စင်တဲ့ကြာပန်းလေးလို့ထင်နေတယ်။
Superstar System (Realm-25)[Myanmar Translation]Where stories live. Discover now