Superstar System (Realm-25)[Myanmar Translation]

Chapter - 47

Unicode

၁၆၅၅။ ယန်ယွီဟွေ့ကိုသေချာဂရုစိုက်ရမှာပျော်တာထက်ပိုတယ်
_________________________

ယန်ယွီဟွေ့က ဆေးရုံမှာ တစ်ညလုံးနေပြီး ဖန်းမုန့်ဟန်က သူ့ကိုဂရုစိုက်ပေးဖို့ နေရစ်ခဲ့သည်။ ဖန်းမုန့်ဟန်က ယန်ယွီဟွေ့ကိုသေချာဂရုစိုက်ပေးရမှာကိုပျော်တာထက်ပင်နေသေးသည်။

ယန်ယွီဟွေ့က အချိန်နဲ့အမျှ သန်းပေါင်းများစွာရနေတာကို ဖန်းမုန့်ဟန်မြင်ပြီးတဲ့နောက် သူမအနေနဲ့ ယန်ယွီဟွေ့ဘေးကသူမနေရာကို တည်မြဲအောင်လုပ်ချင်မှာက သဘာဝကျလေသည်။

ယန်ယွီဟွေ့ရဲ့အတွေးတွေ ချာချာလည်နေသည်။ သူက လုံရှောင်းရှောင်းကိုဖုန်းဆက်ပြီး ဘာတွေဖြစ်နေတာလဲမေးချင်တာပေမယ့် အချိန်အ‌အတော်ကြာသွားပြီစတာတောင် သူ စကားတစ်ခွန်းဆုံးအောင်မပြောနိုင်သေးပေ။

ယန်ယွီဟွေ့စိတ်ထဲမှာ ကိစ္စတွေအများကြီးကိန်းအောင်းနေပေမယ့် သူ ထုတ်မပြောနိုင်ရှာပေ။ ယန်ယွီဟွေ့တစ်ယောက် မေ့လဲတော့မလိုဖြစ်နေသည်။

လုံရှောင်းရှောင်းက သူ့ကိုသစ္စာဖောက်မယ်လို့ သူမထင်ဘူး။ ဒီကိစ္စက ချန်ကျန်းနန်နဲ့တစ်နည်းနည်းပတ်သက်နေရမယ်။

ဒီကိစ္စက ချန်ကျန်းနန်နဲ့ပတ်သက်နေတယ်လို့သူယုံတယ်။ ဒါက သူ့အလိုလိုသိနေတာ။

ချန်ကျန်းနန်က ဒါကိုမလုပ်နိုင်ရင်တောင် သူ့မှာ ဒုတိယမျိုးဆက်လူချမ်းသာကောင်လေးရှိသေးတယ်။ အထူးသဖြင့် အခု လီမိသားစုကုမ္ပဏီက အရမ်းဩဇာကြီးနေပြီး ဖျော်ဖြေရေးလောကမှာ ရှေ့ဆုံးရောက်နေတဲ့အထင်ကရကုမ္ပဏီဆိုတဲ့အဆင့်အတန်းကိုရထားတာမို့ပဲ။

သူ့ကိုရန်ပြုခဲ့တဲ့လူကို သေချာပေါက် လီရှင်းကျယ်ပို့လိုက်တာ။

ယန်ယွီဟွေ့က သူ့ဆေးရုံကုတင်ဘေးမှာရှိနေတဲ့ဖန်းမုန့်ဟန်ကို မနေ့ညက ချန်ကျန်းနန် ထိခိုက်ဒဏ်ရာရလာသလား၊ ‌ဒါမှမဟုတ် ချန်ကျန်းနန်နဲ့ပတ်သက်ပြီး မူမမှန်တာရှိလားဆိုတာမေးချင်နေပေမယ့် ပါးစပ်ဟလိုက်တဲ့အခါ တံတွေးတွေက ဂလုပ်ကနဲအသံမြည်ကာစီးကျလာ၏။