Superstar System (Realm-25)[Myanmar Translation]

Chapter - 32

Unicode

၁၆၄၀။ လူသားနဲ့မိစ္ဆာကြားကအပြန်အလှန်ချစ်ခြင်း
__________________________

ဒါပေမယ့် အခုတော့ သူ့စိတ်အခြေအနေအရမ်းဆိုးနေတယ်။ စာမူတွေအများကြီးပျောက်သွားလို့ သူ အရမ်းစိတ်တိုနေတာ။ သူမကို လည်ပင်းထမညှစ်တာကတင် သူ အရမ်းလူကြီးလူကောင်းပီသနေပြီ။

ဖန်းမုန့်ဟန်မှာ သူမရဲ့ပစ္စည်းတွေကိုထုပ်ပိုးပြီး အဆောင်ကိုသာပြန်ရတော့သည်။

သူမ အဆောင်ကိုပြန်ရောက်တဲ့အခါ နဉ်ရှုက မျက်နှာပေါင်းတင်မက်စ်ကပ်နေတာကို ဖန်းမုန့်ဟန်တွေ့လိုက်သည်။ ဖန်းမုန့်ဟန်က နဉ်ရှုရဲ့လက်ပ်တော့ပ်ကို တစ်ချက်ခိုးကြည့်လိုက်ပြီး လက်ပ်တော့ပ်မှာ လူသားနဲ့မိစ္ဆာကြားကအပြန်အလှန်ချစ်ခြင်းအကြောင်းရိုက်ကူးထားတဲ့ဇာတ်လမ်းတွဲကိုဖွင့်ထားတာကို သိလိုက်ရသည်။

အဲ့ဇာတ်လမ်းတွဲထွက်လာတုန်းက ယန်ယွီဟွေ့ အရမ်းဒေါသထွက်နေတာကို သူမ မှတ်မိတယ်။ သူမက ဘာဖြစ်တာလဲမေးပေမယ့် သူက ပြန်မဖြေဘူး။ သူက တီဗွီကို သူ့မျက်လုံးတွေနဲ့အပေါက်ဖောက်ပစ်ချင်နေတဲ့အတိုင်း စူးစိုက်ကြည့်နေတာ။

ခုတလော ယန်ယွီဟွေ့က နည်းနည်းထူးဆန်းနေတယ်လို့ သူမထင်တယ်။ သူ့မျက်နှာက တစ်နေကုန်ပုပ်သိုးနေပြီး အရင်ကလိုမျိုး ယုံကြည်ချက်ရှိပြီးဖော်ရွေတဲ့ခံစားချက်ကိုမပေးတော့ဘူး။

သူက အမုန်းတရားနဲ့ခါးသီးမှုတွေပြည့်နေသလိုပဲ။

ဖန်းမုန့်ဟန်ကိုမြင်တဲ့အခါ နဉ်ရှုက အံ့ဩကာဆိုသည်။

"ကျောင်းက အခုထိမဖွင့်သေးတာကို၊ နင် ဘာလို့ပြန်လာတာလဲ?"

ဖန်းမုန့်ဟန်က မျက်လုံးလှန်သည်။ အစတည်းက သူမ အိမ်မပြန်ဘူးလေ၊ သူမက ယန်ယွီဟွေ့နဲ့သွား‌နေတာ၊ အခုကျ အကြောင်းပြချက်မရှိဘဲကန်ထုတ်ခံလိုက်ရတယ်။

ဖန်းမုန့်ဟန်ကိုကြည့်ရတာ စွန့်ပစ်ခံလိုက်ရတဲ့အတိုင်း ‌ခေါင်းစခြေဆုံးစိတ်ဓာတ်ကျနေလိုက်တာ။ သူမ ယန်ယွီဟွေ့နဲ့ခွာပြဲလာတာလား?

နဉ်ရှုက ယွီရုန်စန်းမျက်နှာပေါင်းတင်မက်စ်ကိုချွတ်လိုက်ပြီး မှန်ကြည့်သည်။ သူမရဲ့မျက်နှာက ဖြူဖွေးနီထွေးနေ၏။ ကိုင်ကြည့်၊ ကိုင်ကြည့်၊ ကိုင်ကြည့်။ အသားက အရမ်းနူးညံ့တာပဲ။