Superstar System (Realm-25)[Myanmar Translation]

Chapter - 6

Unicode

၁၆၁၄။ ရှဲဒိုးစာရေးဆရာတွေရေးပေးတာ
__________________

ချန်ကျန်းနန်က လီရှင်းကျယ်ကို ပါဝင်ပတ်သက်စေမိတဲ့လူက သူမလို့ခံစားရတယ်။ အားလုံးက ယန်ယွီဟွေ့ သူမကိုချစ်ခွင့်ပန်တဲ့အချိန်ကစတာပဲ။

သူမက TVမှာ နေ့တိုင်းထုတ်လွှင့်ခံရတဲ့ အဲ့အဆင့်အတန်းမြင့်ပြီးဩဇာကြီးတဲ့လူကိုမုန်းတယ်။

ချန်ကျန်းနန်က ယန်ယွီဟွေ့ရဲ့လက်ရာတွေအားလုံးကိုလိုက်စုပြီး တစ်ခုချင်းစီက မတူညီတဲ့ရေးဟန်တွေရှိတာကိုသိသွားတယ်။ သူ့ဂန္တဝင်စာတွေမှာတောင် ရေးဟန်တွေမတူဘူး။

သူက ကျင်းယုံရဲ့ထည်ဝါရိုးရှင်းပြီးသေသပ်တိကျတဲ့စာတွေကိုရေးနိုင်ပေမယ့် ကုလုံရဲ့စိတ်ကူးယဉ်ဆန်ဆန်စာတွေကိုလည်းရေးနိုင်တယ်။

သူက စာပေအမျိုးအစားပေါင်းစုံကို ဦးဆောင်တီထွင်တယ်။

လူတစ်ယောက်ရဲ့လက်ရာက အနည်းနဲ့အများတော့ အဲ့လူရဲ့ကိုယ်ပိုင်ထူးခြားတဲ့ဟန်ကိုပြသင့်တယ်လေ။ ယန်ယွီဟွေ့ရဲ့ရေးဟန်တွေက ပရိသတ်ရဲ့မျက်စိတွေကိုလှည့်စားနိုင်လောက်တဲ့အထိ ကွဲပြားနေတယ်။

သူရိုက်တဲ့နိုင်ငံခြားရုပ်ရှင်တွေကလည်း အဲ့ရုပ်ရှင်တွေရဲ့အနှစ်သာရတွေမှာ တိုင်းတစ်ပါးအယူအဆတွေကိန်းအောင်းနေတယ်။ အဲ့ရုပ်ရှင်တွေက တရုတ်ဆိုတဲ့အရေခြုံထားရုံပဲ၊ ဘာမှမထူးဘူး။

ချန်ကျန်းနန်က ယန်ယွီဟွေ့ရဲ့လက်ရာတွေအားလုံးက ရှဲဒိုးစာရေးဆရာတွေရေးတာဆိုတဲ့ပို့စ်တစ်ခုကို အင်တာနက်ပေါ်တင်လိုက်တယ်။ သူမက သက်သေအထောက်အထားတွေအများကြီးကိုလည်းစာရင်းလုပ်ထားသေးတယ်။

ဒီပို့စ်က အာရုံစိုက်မှုတွေအများကြီးရသွားတယ်။ ဒီပို့စ်ကိုမြင်တော့ ယန်ယွီဟွေ့ ပျာယာမခတ်ဘဲမနေနိုင်ဘူး။

Systemက သူ့ရဲ့အကြီးမားဆုံးအထောက်အပံ့မို့ သဘာဝကျကျပဲ ယန်ယွီဟွေ့က ဒီပို့စ်တင်တဲ့လူကို သတ်ချင်စိတ်ပြင်းပြလာတယ်။

လူဆိုးဂိုဏ်းခေါင်းဆောင်ရဲ့သမီးက တစ်ယောက်ယောက်က ယန်ယွီဟွေ့ကိုဒီလိုနည်းနဲ့လုပ်ကြံအသရေဖျက်တာကို မုန်းလို့ သူမက ချန်ကျန်းနန်ကို နည်းမျိုးစုံနဲ့တွေ့အောင်ရှာပြီး ချန်ကျန်းနန်ကို အဓမ္မကျင့်ပြီးသတ်ပစ်ခိုင်းတယ်။ နောက်တော့ သူမက ချန်ကျန်းနန်ကို ငါးစာအဖြစ် ပင်လယ်ထဲပစ်ချလိုက်ပါရော။