'Son-in Law who surpasses them all'

CHAPTER 11

KABANATA 11

Habang malakas na ipinapadyak ang kaniyang mga paa nakasuot ng high heels na mas nakapagpaganda pa rito, sinabi ni jade na  "Pilitin ninyo siya na tawagin akong mommy at saka niyo siya itapon sa labas."

"Narinig mo ba ang sinabi ni Ms. Kate, palito? Tawagin mo na siyang mommy kung ayaw mong..." sigaw ni Arnold.

Nang marinig niya ito, binunot ng higit 20 matitipunong lalaki sa kanilang likuran ang kanilang mga nakatiklop na batuta.

"Kung hindi, huwag mo akong sisihin na hindi kita binigyan ng kahit isang pagkakataon para isalba ang sarili mo. Ito na ang pagkakataon mo kaya tawagin mo na kasi siyang mommy." Kumikindat na sinabi ni Arnold bago muling magpatuloy sa pagsasalita. "At pagkatapos, kung luluhod ka sa harap niya para aminin ang mga ginawa mong pagkakamali ngayon gabi, hahayaan ka naming lumabas ng bar nang hindi nasasaktan. Pero kung hindi, sisiguraduhin ko na lalabas ka rito nang nakastretcher."

Hindi na mapigilan pa ni Kate ang kaniyang pagtawa. Humakbang siya ng dalawang beses paabante at agad na hinanap ang kaniyang cellphone na dala niyang bag.

Dahil kung titiklop na nang tuluyan si Nonack at tawagin siyang mommy, sisiguraduhin niyang nakarecord ito para isend kay Chen!

"Paano kung ayaw ko?" Natuwa rito si Nonack na tumingin kay Kate mula ulo hanggang paa nang paulit ulit

Agad na sumimangot si Kate matapos makita ang pagmamatigas ni Nonack. "Mr. Salvo, hampasin mo siya hanggang sa lumuhod siya sa harapan ko!"

"Walang problema, Ms. Kate!" Itinaas ni Arnold ang dalawa niyang braso. Hawak nito sa isang kamay si Nonack sa kuwelyo habang naghahanda namang sumuntok ang kabila niyang kamao!

"Itigil mo iyang hayop ka!"

Isang sigaw ang maririnig sa buong bar at agad na sinipang pabukas ng apat hanggang limang tao ang pinto papasok sa room 777.

Natigilan ang lahat nang makita ang grupong ito.

Si Samson Facey, ang boss ng Moonlit River!

Si Norman Woodall, ang boss ng Oriental Pearl Hotel!

Si Jerry Blakely, ang may-ari ng Black Tiger Real Estate!

Si Joyce Dickinson, ang may-ari ng Poesia Eleganza!

At si Jeffrey Yates na general manager ng Southeast Petroleum sa Donghai City!

Hindi bababa sa ilang bilyon ang net worth ng bawat isa sa mga ito, at ang taong sumigaw kanina ay walang iba kundi si Samson!

Nagpakita ng ngiti ang mukha ni Nonack nang makita ang mga ito.

Sila ang mga dati niyang kaibigan na tinulungan niyang makabangon sa kahirapan. Mukhang nagtagumpay nga ang mga ito maging successful sa kanilang mga pinasukang negosyo.

"Hayop ka!" Halos mahimatay si Samson sa kaba nang makita niya ang eksenang ito. Paano nagawa ng hayop na iyang pagbuhatan ng kamay ang ikalawang young master? Mabilis siyang lumapit kay Arnold para sampalin ito nang malakas!

Slap!

Literal na ginamit ni Samson ang lahat ng kaniyang lakas para sampalin si Arnold na humawak sa kaniyang pisngi na nagsisimula nang mamaga.

"Ninong!" Sigaw ng paiyak na si Arnold. "Nagsisimula ang dukhang ito ng gulo sa ating bar, Ninong. At tumambay sa loob ng Room 777!"

Slap!

Muli siyang sinampal na sumigaw pa ng "Ano namang problema mo sa dukhang iyan? Hinamon ka ba niya ng away? Nakatikim ka lang ng kaunting karangyaan pero nagawa mo nang mangmaliit ng iba? Iyan ba ang itinuro ko sa iyo?"