'Son-in Law who surpasses them all'

CHAPTER 26

KABANATA XXVI

*****

Sa Grandioso Residential Community ng Donghai City.
Makikita ang ilang mga kotse ng pulisya na nakaparada sa entrance papasok sa residential community habang  dose dosenang mga pulis ang mabilis na pumaligid aa bahay ni Donald!

Isa itong single story na bahay, at ngayon ay napaligiran na ito ng mga pulis.

Hindi inaasahan ng kahit na sino na ang babaeng pulis na nasa harapan ay ang kanilang team leader. Hindi naitago maging ng suot nitong uniporme ang kabighabighaning korte ng kaniyang katawan.

" Ano na po ang susunod nating gagawin, Madam Amazon?" Lapit ng isang baguhan pulis na nagtanong sa kaniya.

Tumingin si Faye Amazon sa kaniyang paligid. Nakatanggap sila ng isang emergency na tawag  kanikanina lang at nagawa ng caller na itap ang screen ng kaniyang cellphone nang paulit ulit, kaya obvious na isa itong kidnapping case. Tiningnan ni Amazon ang phone number ng caller at nalamang si Chen Perez ang nagmamayari ng number na ito, nalaman nila na ito ang may ari ng Neptunus Corporation.

Si Faye ang hepe ng police criminal investigation team. Siya rin ang kinakailangan maging team leader pagdating sa mga ganitong kaso.

"Kurdonan niyo ang area at kunin niyo ang Loudspeaker ko." Utos ni Faye, "Dalian niyo nang imbestigahan ang tungkol sa Chen  Perez na ito, icheck ninyo kung mayroon pa ba siyang pamilya at ipaalam agad sa kanila ang nangyari sa sandaling mahanap ninyo sil."

"Opo, Madam Amazon." Tango ng isang pulis habang inaabot ang Loudspeaker.

Kasalukuyang nasa loob si Donald ng kaniyang kuwarto habang may hawak hawak na video recorder, napag-isipan at naplano na niya ang mga mangyayari. Sa sandaling makita niya na lumalakas ang loob nina Samantha at Chen para tumakas, gagamitin niya ang recording na ito para takutin ang dalawa.

Pero bigay lang sa kaniya ang lumang video recording na ito kaya hindi alam ni Donald kung paano ito gamitin. Matagal tagal na rin ang nakalipas mula noong matutunan  niya ang tamang paggamit nito. Isang boses ng babae ang bigla  nilang narinig mula sa labas ng mga bintana.

"Kung sinuman ang nasa loob ng bahay na ito, makinig ka nang maigi, pakawalan mo na ang mga hinostage mo at ayusin natin ito sa mabuting pamamaraan."

Dito na nanginig ang buong katawan ni Donald. Lumuhod siya at gumapang papunta sa pinto para sumilip sa labas. Agad na nagtayuan ang lahat ng mga balahibo sa kaniyang katawan nang makita niya ang eksena sa labas.

Doaedosenang mga pulis ang nakita niyang nakapaligid sa kaniyang bahay. Hindi na niya magagawang makatakas mula sa mga ito.

"Kayong  dalawa ang may gawa nito, tama!" Napakabog nang malakas ang puso ni Donald habang galit na tumuturo kina Samantha at Chen. Ngayon niya lang naisip na dapat kinuha niya na agad ang mga cellphone nito noong una pa lang!

Pero huli na ang lahat para rito ngayon !

At total iisa lang  din naman ang kahahantungan niya, kinuha ni Donald anh isang kutsilyo at itinutok ito sa leeg ni Chen.

"Maghintay lang kayong dalawa!  Isasama ko kayo sa sandaling mamatay ako ngayong araw!"

Sumigaw nang malakas si Donald habang gumagalaw papunta sa bintana ng kaniyang bahay. "Umalis na kayong lahat, tatapusin ko na ang isang ito! Umalis  na kayo!"

Makikita sa labas ng bintana na tumatakbo ang isang pulis papunta kay Faye.

"Mukhang agresibo na ang suspect sa loob, at mukhang siya lang din mag-isa ang  nanghostage sa dalawang ito. Ano na po ang dapat nating gawin ngayon, Madam Amazon?" Pawis na pawis ang buong katawan ng pulis habang kausap si Faye.