نوايا القلوب..

٤

يسعد مساكم حبايب ..

يوميه اراجع البارت مرتين وبعد النشر الگي بيه كومه أخطاء
عاد اليوم ماراجعت اصلا الله يعينكم 😁

...

تناوشتها شكو قهر بگلبي طلعته بيها
تتهم سهام انوب وبحچي مالايگ الها

احمد بوكتها متوسطة چان وهو طويل وخشن هو وعلي ماخلو خالتي توصلني حسيتهم يگلولي ادبيها عفتها بعد ماسوت نفسها خربت فد مره وخالتي ماخلت غلط ودعاوي هي وبتها وتصيح تعالولي كتلتنا ساس ذهيبه تقصد عمتي
أنه صدگ حتى ابوي من صغري يگول تذكرني بعمتها ذهب بس الظاهر ذهب متوحشه أنه توني اتوحشت من ضيمهم

دفعتها وصحت

..طلعي ولي وإذا جبتي طاري سهام موتچ على أيدي شابه ورجلها وله صار سنين تنخطب اكيد الناس كلها تظنها مطلگه الأسير والمفقود بي امل يرجع وعادل لا لأن مراح يخلوه عايش تغشمن نفسجن ليش

رفعت شعرها وتمسح وبوجهه وتحجي

..تغشمين نفسج اسيل أنه چنت شاكه هو رايدها من نروح للبساتين وياكم هو يحير شيحضر وأهله وتلميحات حياة مبينه بس جنت اغشم روحي سهام مو خفيفة مثلجن مغطيه نفسها تتظاهر بالثگل تغلبجن بالتمثيل

..خايب احمد خليني اموتها اني انت لاتدخل هاي عمتك حيه تخليهم يكتلوك وماتهتم لاتوصخ ايدك بيها ولك علاوي تعال هنا معليكم بحجيها

احتاريت اجر بولد سهام اتمالخو وياهن انوب طلعتهم گوه

..امشو روحو الخوالكم امكم ماتخليكم والله حاجوها هي لاتستحون منها معليكم بيه أنه إنجاز وياهن

لگيت عمتي تخابر من الارضي للولد تعالو اسيل هجمت بيتي

حضرت روحي للعركه وحتى ملابس الي حضرت
وهنه يحجن مستمرات گعدت بغرفتي وسمعتهن صوتي

..لا يابه مو احنا الشريفات انتن الشريفات ليش قابل انتن تعرضجن نفسجن سنين الواحد ومن ايستن منه حولتن على اخوه

سكتن ماردن وآسيا تكلي خايبه كافي بردتي كلبي وكلبج سكتي وخلي نحير من يجون شنحجي الهم

..شنحجي شدي حيلج اذا طگج طگيه ولاتخافين خلي هاشم عليه گولي شفتها وسويت مثلها

ضحكت وأنه بقهري ع ضحكها اجتنا ضحكه عجيبة نريد نسكت مانگدر اتخيلت روحي هالمره اسوي بي مثل أخته والله أسويها بس هاشم حذرني خاف هالمره يزعل

گالت اسيا

..كافي ولج انتي صدگ انچلبتي انوب خالتي تگلج ساس ذهب طلع ابوي مايلام بيج من يگول طالعه عليها اتذكرت من طاگه رجلها بشبابها بمنجل جي ذاب حجايه عليها شلون اقتنع وخطبها بعدين ودگ لو هي لو لا ماادري

..حبها من المنجل اكثر هههه

ع ضحكنا ونسمع أصواتهم يصيحون شكو خير