نوايا القلوب..

٢٥

صباح الورد 🌸♥️

....

شبا..

نجح الوالي بتغيير الموضوع عنه وعن مهجة و الكل انشغل بموضوع جية علي وأحمد
عمي باسم راح يشوف عمي حازم بغرفته ويمكن راح يبلغه بمشروع خطوبته وجية الولد رغم عمي حازم ووضعه بس ابو تمار وعمي باسم ميتركوه وره ظهرهم يحبون يفهموه بأي طريقه الي يصير شنو

حتى لايتحسس ويعتبر وجوده وعدمه واحد هاي احنا من وعينا وأسلوب ابو تمار وياه هيج بس المواضيع الي تثير أعصابه يتجنبهن وعمي باسم من طلع نفس الشي يسوي

الوالي صاح امي وگام يكملون نقاشهم بينهم وعمتي سهام فاتحت ريام عن موضوع احمد

ريام گالتلها

..عمه موضوعي اني وأحمد انتهى من زمان اتمنى تتفهميني بعد هالعمر والمر علينا الماضي رحلة قطار عبرتنا وانتهت ياريت تبلغيه يشوف حياته وي غيري أو يرجع زوجاته ويلم أولاده افضل بعد ماچنت الأولى بكل شعور مااجي هسه واصير الثالثه بعد هالتعب التعبته على نفسي واكون اني الدخيلة هذا غير العوائق الي تعيقنا انتِ اعرف بيها

عمتي هوايه حاولت تقنعها بالأخير ادخلت عمتي اسيل من حست ريام انحرجت وضاجت الموضوع اذاها بدل مايفرحها

گالتلها سهام لاتضغطين عليها التحچيه صحيح بعدين خلي هو يحاول ويفهم منها مو صغار هم

بليلتها يمكن عماتي مانامن وحتى جدة جانت فرحانه أن خلصت وخلصنا عماتي من عداوة احفادها

الصبح چانن متحمسات بس عمتي اسيل حسيتها مريضة أو نحلانه چانت كوه تتحرك وكلنا انتبهنا عليها
حتى ابو تمار اخذها على جهه يحجون بينهم الحد ماحضنها وشبعت بچي بحضنه باسها براسها ويمسح بدموعها وبعدين ضحك وضحكها
عماتي راحن عليها وامي بس محد منا احنا البنات اتجرأت وقربت عليهم وفهمت

ورجعن هنه انشغلن بتحضير الغدا
عمي باسم طلع الشغله عادي وكال من ارجع اشوفهم اذا عجبهم يبقون

واحنا كلنا مخبوصين حضرنا كلشي الحد ماسمعنا صوت السيارات طبگن

وطلع ابو تمار علي وأحمد سلمو عادي والبقية وراهم سلامهم كان برعاية احمد وعلي عبالك جاي يعرفوهم على ابو تمار وجدتي

ولد عمتي سهام كلهم جايين وولد عمة اسيا هم بس ولد عمه اسيل مجايين ولا واحد منهم

احنا من شباك المطبخ نباوع فوتوهم للأستقبال وعماتي وجدة طلعن الهم

ريام صعدت فوگ بس سمعت أصواتهم قريبة
وعمي حازم طلع هو ومؤمل يم ابو تمار هم چان سلامهم حار وياه

اني ومهجة وميس بقينا بالمطبخ سوينالهم ضيافة ومي اخذهن مؤمل

أصواتهم عاليه ومبين يحچون بصلح والعداوة مو لازم ادوم وجدة وعماتي يدعلهم كلهم