يسعد مساكم حبايبي هاي مشاهد مستقبلية
ماراح اختصر مثل مامتعودين عليه اتكلم بالتفصيل عن كل الاطراف مثل مايوصلي حتى مااظلم طرف
والابطال الي اتعامل وياهم الحمدلله اغلبهم يحجون الالهم والعليهم
يعني الي يكولون اكو شي مو واضح يتوضح بالقادم
...
بعد ساعات طويلة ومتعبة
وحالات تقهر فعلا الي يشوف مصايب الناس تهون عليه مصيبته
بهيج حالات على اطول اظل ادعي البناتي ربي يحفظهن الي ويكفيهن شر الامراض وكل عارض
اتحمل الاختبارات الا بيها وبناسي الاحبهم مااتحمل ابد
طلعت من الجنطة حليب بنكهة الموز ونستلة خشبية اسميها
احبها بدون ككوو
مامتريگة ودخت يمكن هبط ضغطي
واني اكل ومنتظرة وجبة جديدة من المراجعين تفوت اكيد
مامعقولة ابقى بفراغ اكثر من هالوقت
صوت الخطوات اقترب اخذت ورق كلينكس بأيدي ومسحت الفتافيت الواگعة على حجابي
رفعت نظري ارد السلام مثل مامتعودة اتشخصت انظاري واتخشب الساني واني اشوف گدامي علي وامه
ارد استوعب ضرتي جايه وبگلبي گلت ضرتي شنو اقصد زوجة طليقي
وكالعادة ومثل مامتعودة اعض جراحي واكابر
گلت
..اهلا وسهلا اتفضلي محوليج هنا المصرف الدم؟
ردت باحراج
..لا اجيت اشوفج
اني جايه حتى احجي وياج وماعندي فرصة نلتقي الا بعذر الطبيب لأن الله اعلم باليجرالي اذا عرفو بجيتي
وقبل كلشي اجيت الحالي والله لا دازني عمار ولا يعرف عن نيتي اواصلج ولا شايفته ولا شايفني والقرآن الكريم اجيت اوضحلج كم نقطة اذا يهمج او لا المهم اني ارتاح
ردبت بعد مابلعت الغصة
..عمار اليوم يخصج مايخصني الي ولا ارد اسمع شي عنه
عنظي شغل عذريني
..دقايق مو هواي عمار بعمره ماجان الي ولا اني اله خلي احجيلج شي
حاجت ابنها ينتظرها بالباب ومايبتعد
..سمعتي عني مجبورة ولا حابه عمار ولا افكر بي بس ماعرفتي تفاصيل او ماصدگتي خليني احجيلج وافهمج
سمعتها بدون مااقاطع وبالنهاية گلت
..تعرفين شي! السمعته منچ يخليني اشرد بنفسي وبناتي من المستنقع الي معيشينكم بي!
وماممكن افكر برجعة بيج وبدونج رغم الهسه احبه ماانكر هالشي
......
وبعد خطوبة طالت وسنين انطوت بصعوبتها والامها وفرحها وحلاوتها هالاسبوع نجهز عرس شبا وباقي الحنتها يومين
بس الله يسلمه عابد واهل عابد اخوته وولد عمه صار اسبوع بحجة يرتبون بيته معيشين الشارع كله بصالة افراح والحلوو من كل عقله بهاء داك باب باب يطلب منهم رخصة بحجة ناذر
اكو نذر رگص وين اكو
و هو عابد من كثر مااشتغل ابيته وعلى راحته بشارعنا وهو هم يتحجج حتى يمر والشارع كله عرفه مو بس نسيبنا جار جديد الكل حبوه وفرحانين اله بعد كل هالفتره يتزوج
صوت الاغاني عالي ومو اي اصوات تخلي الحياطين تتأثر
ورغم هالامور ابيتنا واعراسنا نفتقدها بس صار اسبوع عاجبنا الموضوع وبيني وبينكم كلش متونسين يمكن لأن الفرحة تخصنا
اني هنا وبهالوكت وگفتي الها غاية غير كل هذا حابه اسمعه ومااريد احد يعرف ويحس
خليت شبا طلعت من الحمام وتسشور بشعرها تنشفه وگفت بالمطبخ اسمع زين ليش فقدت السيطرة على عضلات وجهي والضحكة غصبا عني انرسمت وودي اتمايل بس ماترهم
صوت امي من الحمام اجاني تريد اعلگ الماطور
طلعت بره اعلگه
واشوف شبا فاتحه باب الاستقبال وبداخله
تتمايل وترگص باديها وشعرها مفتوح لو ماتخاف ع صحتها الا تردح
مكتفيه تتمايل والضحكة ع الوجه والشعر طاير
تردد وياها مبينه حافظتها ومو اول مره تسمعها
..عيني عيني ياصغيروني
يبو عيون الوسيعة
الك عمري ابيعة
اوفي وياك ديني
ياصغيروني
بنيت اسنين واكثر
اباري اهواك واسهر
شتل رمان واثمر
سگيته بماي عيني
جنت اصفكلها وفرحانه بيها
وزادت ضحكتي من شفت مؤمل مرتكي ع الباب فايت علينا من الباب الثاني
مؤمل ضايج وداخل بمود الكئابة صار اسبوع وهي تردح
اشرتلها عليه
گال
..لا خليها بواهسها
يتبع ...
أنت تقرأ
نوايا القلوب..
Romanceقالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم ل...
