نوايا القلوب..

٢٧

يسعد مساكم حبايبي
البارت حاولت اعوضكم بيه ايام الوفاة وليالي القدر ماكدرت انزل بيها وهم بسبب صحتي

والأهم ابني الي ورثتله الوراثه هذه الزينة الناس تورث اشياء بيها خير اني ورثتلهم الربو 😑
الحمدلله على كل حال

كل سنة اكول السنة بلكي يروح منه وصار عمره ١٢ واشهر جاي تزيد حالته أكثر مني حتى
ميفيده الا اوكسجين

اسألكم الدعاء الي واله والكل مريض

ملاحظة..اكو فد موضوع عن حالة مهجة وامها شلون كانت تحجيلها عن حاله بيها ماردت اذكر تفاصيلها بشكل مفصل حتى لا افتح عيون واذهان البعض الهذا الأمر

ردت أنوه تنويه أن الأمهات ينتبهون يبعدون أولادهم عن هذه المواضيع بكل صورة
يعني اليقرا بين السطور يفهم الموضوع

اذا اكو أخطاء اعتذر منكم لأن الله اعلم بوضعي واني اكتب مااريد اتأخر أكثر وظروفي تجبرني مرات

قراءة ممتعة ..

.....

باسم ..

سنين والي مصبرني عليهن حلم
بديته وياها

بمرحلة الهوى

وهو أولى مراحل الحب يبدي بمرحلة المراهقة شعور بلانجذاب ع الاغلب يكون عابر أو ينموا بمرحلة سريعة ماچنت مخلي أبالي أن البيه شي اكبر

وعبرت للمرحلة الثانية بالحب الي هي مرحلة

الصبّوة چنت احس بروحي تريدها عيوني غصبا عني تلحگها من تمر من بابنا بالمرحلة حسيتها تحس بيه وتبادلني الرضا والقبول وهالشي خلاني اتماده بحبي الها وصارت مكانتها تزيد

عبرت المراحل البقية بفترة قياسية واتحديت كل ظروفي وخوفي وحتى المبدأ الي اتربيت عليه

وصلنا اني وياها مرحلة

الشغف . والكلف..والنجوى وهي من أصعب المراحل بهذه المرحلة چنا مخطوبين بين الأهل وننتظر الله سبحانه يفرجها وتهدأ الظروف ويتم كلشي بشكل رسمي ماچان مسموح النا غير النظرة ومع هذا صابرين ومنتظرين

وصار الي صار من فتت السجن كل ظني الحياة هنا راح تشغلني وهي الي راح تعاني لأن الصراحه المصيبة المرت علي اكبر من افكر بنفسي وبيها مرت اول فتره چنت مثل المتخدر وجسمه مليان جروح

منن خلص مفعول التخدير بديت اعاني خاص بعد إصدار حكم الاعدام بحقي

مامستوعب لهنا وانتهينا ويتنفذ بيه حكم الاعدام وانه
مامحصل ساعة وياها تجمعني بحلال
اسوي بيها الي اتمنيته اشوف شعرها الي اتذكره من طفولتنا واتخيل طوله وثخنة ولونه
ياما حلمت انام وأنه متوسده لو طيف شم الگصيبة الي يراودني وأنه صاحي وبين جمع اهلي