نوايا القلوب..

١٦

يسعد صباحكم♥️

البارت بي دبل تعويض 😂😂

بنات أمانة اريد منكم تندعون الشخص عزيز عليه بالفرج وقضاءالحاجة

....

ابو تمار..

سلاحه بأيده من شاف دخلتنا وحده مسلحين كلنا
ظل رافعه علينا مرعوب طلع وراه علاء وبأيده جهاز ينادي الحرس

اشرتلهم وگلت

..ماكو حرس تعبانين اليوم انطوهم استراحة

علاء گال

..خلونا نتفاهم ترى والله عادل يگول مو اني المسؤول عن اختفاء ابن هاشم دورنا الحد ماعجزنا ماكو گوه تبلونا بيه
ماكو منين نجيبه

ضحكت واتقدمت وهم وياي يگلوله افتح لنا الباب نسولف لو هنا نحچي

حاچيته مركز بيه

..ترى أنه ابن هاشم واگف گدامك شجاك تيهتني من الخوف لو تسوي روحك ماتعرفني

..اي اي انت اعرفك شلون مااعرفك متعافي وتدور المشاكل دواره يومية مسويلك فلم  وهسه وطلع حجي عادل صح السالفه هاي جذبه غايتكم بيها تضربونا وتتهمونا مو اكثر

..شوف ولك انت بالذات  مااحجي وياك لأن محد عادك بالعده لا گبل ولا هسه انت وظيفتك ببغاء العادل شيگول تعيد اليحچيه المثلي مايحاچي امثالك وحتى عادل لو ماالي حگ يمه مايعجبني اشوف وجهه مو انوب احاچيه

عادل حاچه عمامي

..جايين تغلطون علينا ابيتنا وفوگاها مسلحين صح الحزب طلعوني منه بس ترى ماوگعت اني ولدي وولد اخوي موجودين ماتسلمون من تسوون شي

..عادل لو اگلك ابو اسلام اسمك الحركي متعود عليه  ترى طولتها وهي گصيره عندي حگ يمك أنه اسمعني زين  حياتك مقابل طلعة باسم شتگول

..تهددني يعني

..اي اهدد  بذاك الوكت جان يومكم وأخذنا حگنا مثلث واليوم عليكم وهم عدنا حگ هو ماانتيهه بربك
بدون ماكرر واعيد
وراك سفر والأوراق جاهزة وكلها تمام توقع وخلص

..باسم محكوم بجريمة شلون اطلعه وهو كاتل اخواني

..هم  كاتلين ابوي وباسم أخذ ثاره أنه اطلبكم ثار وغير عوائل تنتظر إشارة عنكم اذا تطلع انت وكل ظنك تسافر وخلص وعازل ولدك عن الإعلام ومحد يعرفهم ترى الناس من تعرفهم تاخذ ثارها مربع ولدك مو احسن من ولدهم
ولدهم الراحو بسبب المشعولين هم اعزاز

..انت حتى عماتك مايوگفن بوجهك اني خليني أولي هنه شلون مافكرت بيهن من تهدد بولدهن ماتستحي منهن

..ليش عماتي عدهن ولد؟ يعرفوهن شايفيهن يدرون بيهن انتو خليتو بواحد منهم محنة عليهن وهسه تريد اخلي خاطر الهم هم منو اصلا