نوايا القلوب..

٧

يسعد مساكم حبايب♥️

....

شبا ..

تندمت ع سؤالي العمتي واني اشوف دموعها وشلون اتأثرت وكأن رجعت عاشت هاليوم من وصفتلي اليوم الي انقتلو  بيه الانذال حسين وقاسم على ايد عمي باسم كان هاليوم أشد عليها من يوم استشهاد الوالد

تگول اني جنت متقبله استشهاده من قوة أجنبية معتديه كان اهون عليه من أن القاتل الحقيقي الأخوي زوجي قتل
اعز واحد على گلبي

بجت

وگالت

..خاف ماتصدگني لو گتلجن هاشم جان الي دنيا متعلقة بيه حيل بحيث ماسريت اخت رغم كثرتهن ولاشكيت الي بگلبي وخوفي الأم
چنت احجيله كلشي  بس يمه أبين ضعفي ويم غيره لا

جان اعز من امي وجهالي تالي كتاله يطلع انسان مقاسمني كلشي سنيني وأيامي تعبي وخدمتي وفراشي

حسيت اني الكاتلته مو حسين شگد بيوم استشهاده فقدت ماشگيت ثوب ولا ملشت شعر ولا دميت وجهي  جنت صابره محتسبه ماعندي غير النحيب

بس من عرفت هو الكاتل والي مسبب كل ذني سويتهن فرفحت روحي ودي ملحگه عليه وهو عايش اعاتبه اغلط اطگ وحتى اكتل
كلشي اسوي

ماحرگ روحي والمها منظر دمه الحار وهو يفور ولا حضن ولدي ونحيبهم من التمو عليه چنت حاقدة حيــل ودي يعيش وارجع أنه بيدي اكتله

ملخت روحي بحيث التمن عماتي وبناتهن ونسوان
شارعنا سترني شدن ثوبي ولمن شعري وهنه يحاوطني ولبسني العباية جانت عيون باسم عليه وهو يأشرلي على ولدي وولد اسيا يگلي حليب امي العرضلي جان كتلتهم وماخليت الهم ذكر بس انتن وگفتن بعيني

هو كل ظنه أنه الطم على حسين فات مدنك يگلهم سلموني ماارد اشوف امي لاتخلوها تشوفني امي الي محد منا عرف شصار وياها جوه من سمعت رجليها ماعاننها تطلع البشره

رحت عليه من بين الجمع كوه رجليه تخطي ومجتفاتني اليمي عبالهن أنه معترضة
وگف منصي راسه وبصفه عمامي مارادو يخلوني اوصل عبالهم اعتب لو اتعده عليه

اشرلهم يخلوني ماحجيت ماكو حجي ينحجي
بست جفوفه بس

أخذ راسي الحضنه وباسه
ماخلونا نشبع منه ولا طول ويانه أخذوه من بينا
بساع

خواتي مااتذكر شلون وصلنه وادعنه لحكن كلهن لو لا وداعنا صار بصياح وبجي هو هم مو خلصان خوفنا عليه أكثر چنا خسرنا اثنين مو واحد وهذا زلمتنا وهم راح

خافو ينكتل لأن ولدي فرفحو على ابوهم وحشمو عمامهم خابرو علاء وعادل

دقايق من روحته وشارعنا انهجم هجم
ناس تهد وناس تصد
كلنا نصيح ابو تمار وين وليدنا وين