نوايا القلوب..

٨

يسعد مساء الحبايب♥️

.....

ابو تمار ..

أكثر من قالقني من خواتي شبا احس جمالها لعنة الي والها
من هي صغيره وتجيني تحذيرات من الظل بخصوصها
يكتبلي اختك الصغيرة هدف حصن أهدافك

منعتها من طلعة الباب بأسلوب يفهمها أن هي كبرت واخاف عليها ولأن حلوه وعليها العين
اقتنعت

الحلوو بيها قنوعة ماتحب تعاند بالخصوص اني تعتبرني اب واشوفها بنتي وياها جربت معنى الأبوة

صار سنين ارتاحيت من ذكرها رغم باقي خوفي نفسه عليها حتى من الطلعة الغير دوامها ممنوعة كلهن خواتي احسن منها هي وميس مضيق عليهن شويه مااعرف ليش خوفي عليهن مبالغ بيه

بيوم منا البنات خبصني جدة تريدني علمود عمي حازم هو يعاند وهي تتخبل من فكرة يطلع للشارع صوت طرب وموسيقى من بيتنا انطيها الحق بس هو هذا علاجه شبيدي عليه مايصير نعانده عنده طاقة وكبت يطلعهن بموسيقى افضل من تظهر بنوبات من الجنون
وعدتهن راجع واني اتصرف
اجتني رسالة من الظل الي كثرت رسائله هاليومين
كاتب

..حصن أهدافك قارورتك بخطر

مااجه أبالي غير شبا ميس تروح للجامعة بخط وخطها ثقة من إخوة ابراهيم

سألتها وجوابها قلقني أكثر اني قبل لااحاجيها  كلفت ابراهيم يشوف منو من اولاد عمه عنده خطوط اكدر اثق بيه وشبا تكون بأمانته بلغني أن الكل ملتزمين بس احاول الكيلها خط وإذا ماصار اني وانت نتفرغ الها بس بالرجعه صعبة مكان شغلنا بعيد وهو المشكلة بالرجعة لأن مؤمل ياخذها بطريقه
بلغته هذا مو كافي

اني حذر كلش لأن اعرف ولدهم ماشايليني من بالهم
وينتظرون الساعة الي تحين بيها الفرصة ويهجمون أو يغدرون

هذا الشغل فكري ماطلعت
جنت منتظر ريام اشوف شنو سبب رفضها هالمره الولد محترم مابيه شي ينرفض وامي اكلت راسي حاجيها انت جزعت منها اني وعماتك

اني مااريد اضغط عليها الزواج قبول وإذا رافضة الفكرة من الأساس شلون أقنعها بالشخص المتقدم

اتصلت عليه طرخة  اني مسجلها بهالأسم معناه مصيبة أو كارثة وهي فعلا كارثة حلت علي

صار سنين من وصلت الها ومحد من اهلي يعرف ومن وصلت الحد الآن ماشفت يوم منها كلمة حلوه لو نفس طيبة  بالعكس صارت هم انضاف الهمومي بوكت الي ردتها تكون عون صارت علي فرعون

طلعت حاقدة ومتشبعه بحقدها الدرجة تتمنى هلاكي وهلاك والدها وكل شخص من طرف أبوها وصارت تبتز بأمور أعديها بمزاجي

تريد مصرف هذا من حقها ممكن تحتاج المو عادي  تريد شخص تفرغ بيه هموها وتذب سمها وترتاح