نوايا القلوب..

٤١

يسعد صباحكم حبايب

البارت عود كامل وجاهز بس انزله

انوب شبا لعبت بيه لعب من طلعت ناسيه تحجيلي تفاصيل عقدها تكول والله عبالي تعرفين كل الي صار لأن صار فتره ممتواصلين
ورجعت حجتلي خلتني احذف واضيف

خطيه عابد شلون متحملج انتِ وفضولج ومزاجچ
جذب مو من گلبي بس مگهورة

....

شبا ...

بداخلي شعور مختلط خوف وفرح وخجل هم
يمي امهاتي والبنات يتناقشن
يكولن ابو تمار لو مامستعز بنسب عابد مايحاجي شبا ويقنعها بنفسه هو قبل من ينخطبن البنات مادامهن مامكملات دراسة يكول من يمچن وسدنها بس يحب عابد ويعرف بي رايدها ويحبها ويعرفه رجال عليه الاعتماد مثل ابراهيم واكثر

هالكلمة خلتني اوگف يمها وافكر بيها
شلون يعرفه يحبني شماحچيه عابد شگايل
هوايه فضول عندي اريد اعرف عابد ليش هيج مصر عليه وشحاجي للوالي وشلون قنع اهله ومن جان صدفه يطلع بطريقي هاي صدك صدفه لو هو متعمد اني شعوري مثل ماهو اتجاهه وجاي يزيد يوم عن يوم
بس احس اكو شي غلط مامرتاحه ابد خاص الحجي اهله واخاف ع زهراء هم خاف اعم عليها
تعب فكري
صرت اشغل فكري واني احوقل وارجع انسى وافكر بي اتذكر نظراته من اني مريضة لمحت بيهن خوف وحنية
گطع فكري عمي صوت حازم وهو يعارك بمؤمل
مافهمت شصاير بس چان بس هو عمي يحچي ومؤمل مااله اي صوت انوب عمي اتخبل اجه گعد يمنا بدون مااحد يسأل هو انهد يحچي

..ماعنده اي احترامات يتجاهل كلامي هاي تربية ابو تمار مكيف يكلي مؤمل تربيتي وانه بذني سمعته يگله من يحجي ويغثك سوي روحك ماسامع
تربية زفرة

جان يحجي ويقلد كلام ابو تمار ماعاجبه

دار ع امي بكل صوته صاح

..حوراء يرضيج هذا الكلام احچي ضميرچ

امي مثل عادتها تسايره الابعد حد

گالت

..لا والله عيب عليه وماارضاها ابد انت ابوهم الك حق اطيح حظهم الاثنين عدهم طلعات مو حلوه خل يتجاهلون الدنيا كلها الا انت مايصير اكبر منهم والك احترامك وتقديرك

..رحمه الوالديچ لو ماانتِ چا خارو بالشوراع ذوله
انتبه العماتي يضحكن ويتنادسن ع امي شلون هيج تحاجيه

امي ابو تمار عدها النفس ماتنطي بي بينها وبين روحها بس يم عمي لا كلشي تتجاوز حتى يهدأ

هو اعصابه تعبت بولادة مهجة الهسه ممرتاح ونعرف هالفتره كلها يظل اعصاب متوتره متعودين عليه

من شافهن هو هيج عباله يضحكن لو شمتانات بيه وجه الموجه الهن
حچه هواي وجابها من ازواجهن قبل الولدهن اول مره احس عمي ضام بگلبه