نوايا القلوب..

..

السلام عليكم متابعيني ابديها بأعتذار لليقدر الأعتذار

ابتعدت بسبب ظرف قاهر
شكرا لكل المعزين وشكرا لكل من سأل عني

بطبيعتي اني حساسة ويعرفوني متابعاتي القديمات من النوع الي اتأثر بالحواليه وخاص الي احبهم
الي يتمرض منهم اتمرض وياه وهذه حقيقة والله بدون مبالغة

بطبيعتنا ومحيطنا ولأن زوجي كبير عمامه والي اتوفت والدته الله يرحمها تبقى الرجل علينا والناس متواصلة الحد الاربعين تعب جسدي ونفسي وضغوطات بس الله يعلم بيها هذا غير الوحشه والحزن بيبيتهم متعودين عليها طيبة وحنينة ولامة الكل وهي ع فراش المرض وجهه يضحك وتدعي للكل بالخير ولا بيوم مخشنة گلبي ولا بيوم مقللة مني بالعكس كلها حنية وتوگفلي قبل ابنها

شعوري شنو يكون بفراقها كل هذا الحزن وياه تعب شهر متواصل وقبلها كنت كل فتره وياها بالبيت وأكثر من مره انام مستشفى وانتو تعرفون

بسبب كل الضغوطات ضرب عندي العصب السابع والحمدلله انشلت جهة وجهي اليمين بشكل تام
بالبداية كان ضني اسبوع اسبوعين ويرجع طبيعي شهر اني اراجع وجلسات فيزيائية بمستشفى الجملة العصبية ومراجعات اول شرط للطبيب اترك الفون نهائيا طفيته فعلا لكن كلمت الاخت العزيزة لكيتها مراسلتني تسأل الكاتبة وئام الشيخلي طلبت منها تشرح وضعي وتعتذر نيابة عني للمتابعات وتنطيهم خبر بحالتي

ولحد الآن جاي اراجع الحمدلله رجع اتحرك لكن الألم مينطاق بعده ع المسكنات يهدأ قليل
أشبه بألم عصب السن يضرب أكثر من نصف وجهي احتار بروحي الحد ماتغمض عيني شغلت زوجي واولادي وياي خاف هم ناقصين
لهذا تأخيري مو إهمال ظرفي قاهر والحمدلله على كل حال

أن شاءالله ايام قليلة اتشافى تماما وارجع اكمل القصة للي حاب يكملها طبعا

اني لو ابقى سنتين مااكتب اموري ماشية تمام من أقرر اكتب كل المصايب تجيني مدري ليش حيره احتاريت بوضعي يمكن هالمره صدك وتكون هذه اخر قصة الي

طبعا نزلت هذه الملاحظة بهالوقت لأن اول مره افتح حسابي استغليت وجود زوجي بدوامه مانع عني استخدامه حاليا
وقريت التعليقات بيهم الي مقدرين وبيهم متجاوزين
الله يسامحهم واني مسامحتهم ومبريين الذمة لكن صدقا مااستاهل التجاوز ولا بطبعي ادور تفاعل وشهرة والله لو بكد عدد الاصابع اليقرون مو مهم عندي