نوايا القلوب..

٥٤

يسعد اوقاتكم حبايب

هذا بارت والسهران ينتظرله بارت ثاني
والي عنده دوام الصبح او باجر يقراه

السحگات مايحتاج اسولف عنهن

ميس ...

جنت بشغلي توه بدا الضغط يخف علينا
وطبعا بهالفتره مرتين افلاونزة قوية صارت عندي من احلى يطلعلي اصابة كورونا انطوني اجازة كم يوم بس الحمدلله الاصابة ماكانت خطرة مثل الصار بعمو وهوايه ناس ابدايتها

مجرد تعب الم بعضلات الجسم وحرقة بالبلاعيم وافقد حاسة الذوق ايام

اعزل اكلي ومواعيني ومااترك الكمامة والكفوف
اني خوفي ع جدة وعمامي ابقى بعزلة عنهم وهم مو مهتمين خاص بعد مالقحنا كلنا

المهم بفترة اجازتي المرضية هوايه زملاء وزميلات سألو يطمنون وكان جوابي بخير الحمدلله برسمية مثل عادتي وشكرتهم على سؤالهم ونفس الشي اسويه من واحد منهم يصيرله ظرف هم واجب اسأل لكن بدون ميانه تفقدني احترامي الا وي كم صديقة الايام ثبتتلي مواقفهن وطيبتهن

بعد الاجازة

رجعت للدوام نفس روتيني اليومي بالدوم اشغل بالي بالناس ومشاكلهم والحالات الي عدهم اغلبهم يعانون مثل وميحسون هذا الروتين المعقد مو بس هم يكرهوه بحالات استلام الدم احنا هم

حالات تجي خطرة ويردون الا ورقة وشخص بديل يتبرع وهالامور الي هي لابد منها بس احسها تعرقل علاج المريض بصورة اسرع بيومها ادخلت ينطون صرف ٤ بطالة قبل التبرع بتسهيل مني وضمانتي لأن الطفل حالته مو مال نتهاون بيها وننتظر الطفل يعاني من نقص حاد بالدم والصفائح الوقت هذا مثل مامتعودين تكثر حالات تكسر كريات الدم بوقت الباقلاء
من ادخلت وصرفوهن اهل الولد مااعرف اهمال او نسيان او عاندو المهم ماجابو متبرعين وهوايه انطو وعود الى ان طلعو مااعرف شلون

بالتدقيق يبين ونحتاج دائما من يصرفون يأمنون الكمية المصروفة قبل بس صوجي اني خليت نفسي وادخلت
بوقتها رادت تصيرلي مشكلة وادخل زميلنا امير وحلها هو جاب بديل الهن وخلصت المشكلة بس بعديش دخلت بمشادة ورادو يرفعون بيه كتاب تنبيه وتوبيخ ومااعرف شنو اكو ناس يفرحون بالاخفاق عند غيرهم يبرزون نفسهم من خلاله

شكرت امير على وگفته والبنات يمي الي يكللي لتلومين نفسج سويتي الصح والناس هم ماقدرو وگفتج والي تكلي احذي من هالحالة درس ومعليج بعد هم يدبرون نفسهم ولاتهتمين انحلت
تركني بعد ماحسيت نفسي شويه هدأت وناقشتهن بفكرتي
راحن الاشغالهن وتركني ارتاح
اتنهدت بحزن وتعب اتذكرت عمار واهله شلون جانو محتارين بأبن ابنهم وهو مو صغير كلش مثل هذا الطفل بس عنده تكسر ومن يشتم ريحة الباقلاء او الحناء او النبق حتى لو بس ريحتهن يشتمها يتخربط مو شرط ياكلهم
هسه ماشاءالله كبران وبعده الهسه اقل شي يتخربط حسب ماعرفت جاي العمه للبيت ومشتم ريحة باقلاء الجيران طابخيها متخربط ويومين واكثر هو يفتر بيه
وهسه اذا اجاه كل جمعة ينطي خبر للجيران بجيته وهم متعاونين
وامه هناك هم متفقة وي الجيران اذا تردون اطبخوها الف عافية بس انطونا خبر نطلع بيومها الحد متخلصون نرجع