نوايا القلوب..

١٩

يسعد مساء الغالين

ورمضان كريم عليكم حبايبي عساكم من عواده

أمانة بس ينشر حتى لو متقرون انطوني تعليق يثبت نشره
تعبت حتى النت غيرته وحولت للأحسن
بسبيل حساابي يفتح ويستعدل

البارت بدون تعديل خفت ينحذف
طويل وبي تعويض عن الغيبة القسرية بسبب مشكلة الحساب

....

ابو تمار...

واني بالدوام وافكر اذا عادل وره قضيتي منو الغلقها معقولة الظل وحده وشلون گدر يغلقها

لأن من الأساس التليفون الي لگوه بصف جثة المقتول والي بس رقمي بيه واتصل عليه بوقتها مااحتاجو يطولون بالتحقيق بخصوصه ولا احتاج تسجيلات من الشركة تثبت برائتي

اختفى هذا الدليل من الإدلة الجنائية وانتهت القضية اسرع ماجنت متخيل وبالعكس أذت عادل أكثر من اذيتي فتحت عليه باب بوقت حزبه كان يعاني ومو متحمل أي خطأ زياده ضحو بيه بسهولة واحترگت ورقته وحاليا ماله اي وزن سياسي ولا اجتماعي عدا تجارته الي انضربت هوايه هم بسبب عمي وعلاقاته بالمستثمرين جماعته ومعارفهم
يعني علاقاتهم بالأكبر وهيج صارت مناقصات ومقاولات هوايه تنضرب ومنها تبليط الشوارع  والمقاولات الي مسيطر عليها وأغلبها ع النص تنترك كل هالملفات حركوها ضده واكيد هم يستفادون يكونون مكانه اقصد المستثمرين بهذا القطاع

عمي ماله اي غاية كان سوى خسارته وهو بعيد كل البعد عن هذه المشاريع انشغل بالتجارة لكن بحكم يعرف معلومات خطيرة عنه هم بحاجتها گدر يضربه

وبدأ شويه شويه يخفت نجمه وهالشي مسببله هستيريا
وصاير من الخارج ينشر ويصرح ضدهم وصدر نفسه معارض للحكم والحزبه وان هو على أساس شاف الفساد الي مايرضيه وقرر الابتعاد

الي محيرني  هو هم ماكو اي شي يثبت أن هالشاب الي انقتل حمايته چان مفرغه من دوامه الحماية بيته وهو اصلا مو حمايه يعني مثل ماگال ماله سجل وي الحماية المتعينين من حزبه مفرغه عن طريق علاقاته بقادة الفرق العسكرية
الولد جندي وأهله لحد اليوم يردون يثبتون حق اله أو دليل يكشفون بيه القاتل مو لاگين

موضوعه كل مااصفن وافرغ من مسؤوليات اهلي ودوامي الگي روحي افكر بيه وبالشخص القشمر عادل وخلاه يعيل بيه بهالوقت بالذات حتى يخسره وينهي ملفه

راسلت الظل

..انت ماناوي تحجي منو الوراك ومن الورط عادل بقضيتي ؟

جاوبني بعد ساعة

..ليش تعتبرها ورطه خو هو اتحرش بيك ومامحسب حساب التهديداتكم ضده

..عادل انسان ماكر مو غبي الهذه الدرجة الي خططله وخلاه يخطي هالخطوة ناوي يخلص منه بقضيتي
ضربة شاطر يعني