السلام عليكم حبايب قلبي اشكركم على دعائكم ووقفتكم
ربي يحفظكم ويحفظ احبابكم ويعافيكم
اليوم حبيت انزل مشاهد مستقبلية
وانشاء الله بعد الزيارة الأربعينية نكمل قصة ( نوايا القلوب )
الاربعين الأربعاء أن شاءالله الخميس انزل
...
فوني ابد ماسكت اكيد هو يتصل ماجاوبته مالي عين مااعرف هو شفسر برودي وشرودي بأهم يوم ينتظره بحيث الكل انتبه اني وياه بس جسد
اليوم الي چنت منتظرته واحلم بيه ماخلوني افرح بي مثل مااريد مااعرف ليش حياتي بسرعة انگلبت هيج
ماادري الوم اهلي الي ضمو عليه لو الوم حظي أساسا ليش اني ؟
شنو السويته الهم وخلوني هدف انتقام !
هذا فوگ ماعيشوني بيتمي وعيت وكبرت واني احلم بطيف ابوي واتمنى حضوره باصعب اوقاتي واحلاهن
ليش اليوم عرفت الدعمني امجد ومتعمد ليش ضاعت فرحتي وجمالي واحلى ايام شبابي بسبب أحقاد انزرعت بي هو من المفروض يحقد احنا لو هم؟
إضافة للعرفته الكلام الجارح السمعته عن حالتي باحلى يوم يكون للبنت
هم حقهم منو يقبل ولد شاب مثله يتزوج وحده مثلي
انتهى اتصاله الأخير غلقت الفون
هاجت اوجاع روحي وي اوجاع جسمي حتى المسكن اتشبع جسمي بي وفقد تأثيره ليش احس بعد الحادث كبرت هواي
اتظاهرت بالنوم لاتجي زهراء تتوسط لو تخليني احاجيه منها لو تحاول تحاجيني وترضيني
طبعا الوالي مايعرف شنو سمعت حاولن بينهن يسدن الموضوع
هو اساسا مشغول مانريد نشغل باله اكثر جاي يحاول ينهي مهامه واشغاله قبل روحته للحج
عيني صارت ع مهجة ترضع ابتها كل ظنها اني نايمه لو هي يمكن تعرف احساس الوحدة من تتضايق ماتتحمل كلمة من أحد لاتريد استعطاف ولا ملامة وتبرير
تركتني براحتي
مهجة زعلانه من ابو تمار بسبب امومتها الملوكة يمكن ارتفعت عاطفتها زيادة
ورادت تحاجي وتتواصل وي اختها بكل طريقة وهو حيل اتنرفز واذاها كلامه وموقفه بالخصوص وهي بينا مو بينهم وبغرفتهم
ورغم زعلها ابد ماعافها يومية هو بينا وكلنا يمها وبالليل يجيها يشوفها ويشوف بنته ويصعد وصار ايام يحاول يرضيها تصعد وياه بس الاخت قافلة والصراحة حقها
هالمره وياها اني رغم ماانطي بي يمها
انتبهت عليها كل شويه عينها ع الباب وهو تأخر اليوم
مو عادته يتركها ويصعد بدون مايمر
واني افكر بيهم وأشوفها كل شويه عينها ع الباب
انتبهتله اجه وهي سوت روحها مو مهتمه الفوته غطيت راسي اتظاهرت بالنوم
اشوف الاخ أخذ راحته تكله
أنت تقرأ
نوايا القلوب..
Lãng mạnقالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم ل...
