نوايا القلوب..

٢٨

يسعد اوقاتكم حبايبي

بارتين نزلتهم هنا البارت قريب ال٧٠٠٠ كلمة

...

ابو تمار..

حركت السيارة وهم يأكدون عليه لازم نلتقي ونسولف ويقومون بواجبي
يردون يعرفون اخبارنا أكد عليه الحجي بس يخلص واجبك اتصل بينا انتظرك اني

حچيت لحسين عنهم گال

..سبحان الله المعروف بالدنيا مايضيع بالآخرة شلون
هنياله الي يسويله زينه ينذكر بيها ولو ماوگفة ابوك الهم ووگفتهم اله ماتبقى الگلوب متصافية هيج النفوس الطيبة ماتتلوث مهما مرت عليها من ظروف مرات الناس اتحجج بالظروف مو اكثر

كملنا واجبنا ورجعت للمقر اتصلت بيهم مثل مااتفت وياه الحجي
گال معزوم يمنا تخلص اجازتك هالمره ماكو نزول تخلصلك يوم ضيافة يمنا نقوم بواجبك نعرف اخباركم
ولا يوم ماذكرناكم بخير جدك ابوك العلوية كلكم باسم بأخر موقف طلعنا بروحه العزيزة هو والشباب

..مانجربكم حجي احنا اهل وخيركم شايفينه السواه ابوي واهلي وعمي باسم هو الصح وقليل من السويتوه گبل ..وإذا ع الجية اجيكم على راسي الله يشهد أنه رايد شوفتكم بس أنه باجر نازل عرس باسم هاليومين ومخبوصين لو تضيفونا انتم وتزيدون فرحتنا بحضوركم اذا يسمح وضعكم وأنه هنا ع طول اول وتالي جايكم

..شايف كل الخير أن شاءالله يستاهل الفرحه السيد انطيني تفاصيل العرس الموعد بالضبط والمكان نسوي الواجب ونكحل عيونا بشوفة الناس الخيرة العلوية شلونها ام انعام تريد تشوفها هم

..تنورون كل الهلا بيكم جدة بخير وفرحتها تكمل بشوفتكم اهلنا الطيبين وناسنا الماتتجازه اريد واحد من الولد يتواصل وياي ياريت لو صهيب اشوفه

..الله يرحمه صهيب دربه درب ابوك ماطوول هواي بعد طلعتنا السنين الراحت خذت منا هواي مو بس هو يومية موگعينا بمطب محتل قاعدة ود١عش ماظلت بيوت عامره ياابني الكل فقد هذا حال البلد

..لاحول ولا قوة الا بالله  الله يرحمه برحمته صهيب شهم شاب وماغرته المناصب ولاغيرت من طبعه الله يرحمه
وهو هذا البلد لا قبل المحتل وبوكت الامان البيوت ظلت عامره ولا بعده هم چانت تروح الشباب ضحية مخططات من زمان لو ناس ماتخاف الله تخبر وراحت ناس بسبب عداوات بدون اي ذنب ابوي لو ماانتم چا من زمان راح وبسبب اقرب الناس اله

..الله يرحمهم صح كلامك ياابني النفوس المريضة هي الدمرت بلدنا لو عدهم ضمير وحب البلدهم وذاتهم ماسوو السووه 

. .حجي
انطيني واحد من الشباب. اتواصل وياه 

ماردت اعدد اسماء ولده الي بگدي والي اصغر مني والي اكبر خفت اسببله الم من گال هواي فقدنا حسيته
مجروح وطلع ظني بمحله انطاني بكر بعد السلام اتفقت نتواصل أنه وياه ع الفيس وانطيهم العنوان مضبوط