نوايا القلوب..

٥٥

شبا...

اجه عابد من عمار گال وضعه زين ومستقر بس مخلين مؤمل يمه هو رافض گايلهم وضعي احسن بس مؤمل مصر يبقى وعمي هم گايله مانعوفك
وعرفت همه هم حالين قضية الولد الداعمه
امشين على اهله ومتحمديلهم على سلامة ابنهم
هم كل ظنهم سكران

لأن من صاحي يگلهم اني وين شنو ممنو انتو
يعني شبه الفاقد وماعارف نفسه وين مشككهم بيه
بس الفحوصات ثبتت الهم مرضه
ماقبلو ياخذون شي غير تصليح سيارتهم وهو مخلي السيارتين بالتصليح ومتكفلهن سيارته وسيارة الولد ذاك
همزين الولد سيارته هم اصلية وحديدها ثگيل لو عاديه وصيني لو سايبة چان طايره بالهوا حسب وصف عابد
يگول سيارة عمار قوية لو من السيارات العاية اكيد يتأذه الولد والحمدلله بداية صعدة الجسر كل السيارات تتخفف سرعة لأن منعطف

چان ضايج حيل اكثر من مره احسه يريد يحچي شيويغير الموضوع

اخر شي گتله

..احچيلي

..شحچي وعيونچ سوالف

رمشتله بعيوني هواي

..شعر هذا لو شنو

..بكيفچ حسبيه شعر عادي جامليني احب المجاملة وياچ

..ههههه احس اكو كلام تريد تحچيه

عدل گعدته اخذني جوه ايده حضني حسيت روحي ضعت بأيده وصدره
لفيت ايدي عليه

..عوفي الحچي الي بگلبي خلي بگلبي المهم انتِ شلونچ وياي

..بخير اني

ضحك

. الله يسلمج ويسلم اهلچ

..ماراح تنساها

..عمي هنيالهم اهلي ياهو الداعيلهم غيرج

..ههههههه يدللون يومية ادعيلهم

..وابنهم

..ابنهم اله حصة الأسد يدلل

..ذكرتي الاسد بحصته اكو اسد يمه غزالة ويگعد يسولف؟

..هههههه وين اكو اسد لطيف مثلك

ثاني يوم الصبح طلع رغم مقرر مايطلع للشغل ياخذنا الاهله من وكت گال شغلي عندي ساعة وارجع جهزي نفسج نروح اليوم راح اتعبين اعرف بس هي رهمت هيج عمامي وابراهيم وراهم التحاق ومااريد يسوون اهلهم عزيمة بغيابهم

جهزت نفسي سلعة وشويه ورجع

هم ماحچه وين ولا سألته اني

بس بطلعتنا اتصل ع عمار يسأل شلون صار

گله الحمدلله وضعي تمام وكلش زين

سألته اني

..شوكت تنتقل ام علي يمه