نوايا القلوب..

٣٣

يسعد اوقاتكم حبايب

حاولت انزل قبل ١٢ تعرفون امتحانات وخبصة مالحكت

ومن هسه السحكات عبروهن 😌

....

شبا ..

طلعن عماتي وامي وعمي وأبو تمار وكالو لحد تگول الجدة جانت جايه من الخطبة وتعبانه اخذت علاجها ونامت

عمتي أصرت يرحن وياها يخطبون لأن علي كبرانه بينهم المشاكل هو وعماته وأبوه ومحد اله ماتريده يتفشل يم أهل حبيبته

خلينا جدة ع نومتها

وظلينا بقلق روحتهم كلهم تخوف معقولة بس ضغطها مرتفع

عود اليوم اجن فرحانات خاص من شايفات خطيبة علي ساعة يوصفن بجمالها وشلون طاير وفرحان بيها بحيث الكل منتبه الفرحته ونظراتهم هي وياه وعاذريهم ع حبهم وصبرهم

امهاتها گايلات العماتي وجدة اليشفعله عند اولادنا وأبوها هو سمعتكم انتم بيت ابو هاشم
ومحبتهم الخالة الله يرحمه والي موسطهم هم كلهم ربع الابوها ويعرفهم حق المعرفة
وهو الولد كلها تشهد باخلاقة بدوامه وخارج الدوام بس ابو جان عائق وتعرفون انتم الصار
احنا شرطنا لايدخل بيتها بيوم ولا هي تدخل بيته تظل بعيده عنهم وهو أهله محد يمنعه بس الأذية الشفناها منه كافية

عمتي سهام گايله الهن
ابسط حق من حقوقكم هذا لاتشوفه ولا يشوفها هو مسافر وماله رجعة أن شاءالله والي من طرفه بيهم أذية الها علي ماينطيهم مجال هو صابر سنين بس حتى يحصلها يفرط بيها علمودهم مستحيل

يگولن تأخرنا يلا فضوها وعلت اصوات إلزلم بالصلوات والدعاء بتعجيل الفرج
والشيخ گايل أنه أعقد الهم وتم العقد
الحمدلله اجن فرحانات حيل ع وصفهن اتونسنا وحسينا بفرحة علي ومرته والاكثر العمتي محتاجة هالفرحه

خاص بعد قهرها على احمد

بعرس ريام عماتي اجن كلهن وأصر هو الي يجيب عمتي سهام بنفسه النا هي مااجت من وكت حتى بليلة الحنة راحت علموده واعتذرت من ريام هي ريام عاذرتها
جابها بالعرس
رغم عمليته جرحها بعده ماطيبان زين چان رافع المرارة قبل فترة

والي زاد قهر عمتي لما بالزفة كلنا انتبهنا هو موجود بالركن بسيارته
ولمن طلعت الزفة يلا راح للبيت وطمنها علي عليه چانت تريد تبات يمنا من شافته هيج متأثر راحت البيتها بقت يمه ايام

تگول مايقبل لانحجي وياه ولا هو حچه شي بس گايل العمتي

.. الله يسعدها روحتي الي قصد بيها اريد ايس منها لاقاصد أخبث ولا أحرج أحد اتمنالها الخير تظل هي عزيزة گلبي شماصار ويصير

هي تسولف العمتي اسيل واني منها اعرف الي يصير هناك ع طول مرافقتها

مرات افكر شنو هذا الحب الي يخلي روح الإنسان اسير الروح ثانية مهجة وحبها المبالغ بيه ابو تمار واختلافه لما صار كلشي رسمي وعلم حبه صار واضح من اهتمامه نظراته