يسعد مساكم حبايبي
البارت طويل تعويض عن بارتين
الي يكتبولي البارت طويل وممل قصريه اني إذا التزم بشكل يومي ممكن اگدر اكتب بارتات اقصر لكن ع الأغلب ظروفي تعيقني
احاول اعوض القارئ هذا اول سبب
السبب الثاني اني من النوع مااحب البارتات تكون قصيرة والقصة مطولة ارقام احس القصة الطويلة بارقامها تخلي عند القارئ ملل قبل لايبدي مجرد يشوفها طويله لهذا احاول اختصر بالأرقام والأحداث تكون بالتفصيل
الي يحس بملل يعذرني
قراءة ممتعة ♥️
....
شبا ..
مشيت وراه ميته خوف اريد اتذكر شمسويه من عمله طار كلشي من بالي
صعد هو يغسل ويبدل بقيت انه فوگ بالممر وتركت الجوه مخبوصات يسألن وعمي باسم يگلهن هالفتره كلها اتغاضيت وتركت الموضوع وناوي ارد لكبارهم مو الهم بس ماانطى مجال برجله اجاني يتهدد ويهدد لاتبقى بالعراق والا اكتلك
وبايده سلاح ويرمي يعني كل عقله يطلع سالم وهو بنصنا وبنص شغلنا شباب تارسة المزارع تحرس والله لو ما أنه المانعهم ولا احد يوكفهم عنه گبل لايوصلني يتولون أمره
أنه هم ماسويتله شي الخاطر اسيل ربيته بس
عمتي اسيا سألت وين هو گلها اخوانه خذوه
دگيت الباب ع ابو تمار يبدل
صاح بنتر
..فوتي
فتت گال صيحي مهجة وياچ وتعالن هنا يمي
ظليت بمكاني صافنه
صاح بيه
..يلا لاتوگفين بسرعة گلت صيحيها وتعاي
رحت جبت مهجة واجيت
هي تگلي
..شو صاير
وأنه ارد
..شنو الصار عفيه اكو شي حاجيه شي اله اليوم
تقسم محاجيه ابد من اي شي نبهناه عليها
ونرجع اثنينا نسأل ليش يريدنا انخبصنا أكثر
فتنا سدينا الباب وخوفنا زاد من فات عمي باسم وقفلو الباب وگعدو اثنينهم يأشرولنا نگعد
احس الدمعة وصلت طرف عيني
گال باسم
..شوفن بدون لف ودوران ع گد السؤال جاوبن ولاتخافن أنه يمجن
ابو تمار اعصاب صاير بحيث گصته برز بيها العصب وعظام وجهه برزت أكثر طابگ فك على فك اديه عباره عن شرايين وقابض كفوفه احس بكف واحد يطيرنا هو عمره ممسويها بس وضعه هذا غريب عليه ابد ماشايفته هيج
أنت تقرأ
نوايا القلوب..
Romanceقالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم ل...
