نوايا القلوب..

٤٤

يسعد صباحكم حبايب ♥️♥️

....

ميس ...

ايام اواخر حملي مرت عليه صعبة جنت اتمنى تكون ولادتي بوجوده بينا وبالي مطمئن عليه قاهرني وضعه حيل مهموم وواضح عليه من صوته الدرجة مرات واني احاچيه احسه يختنگ بعبرته ويعتذر بقطع الاتصال

مرات اهون عليه مرات اريد الي يهون عليه اني
اهلي الحمدلله مامقصرين ابد
والي مثلي متخاف من شي بوجودهم
وفعلا قبل و بعد ولادتي ماتركوني والوالي اتكفل ايجار البيت رتبنه امهاتي والبنات رحت وهو كامل من كلشي بس گعدت بيه وادعيلهم ربي يحفظهم ويديمهم الي

چان مرتبات غرفة وسرير العمتي ويانا

بلغته قبل لايجي بيوم گتله كلشي كامل
اجرنا بيت ونقلنا الاثاث ورتبوه واني وناتنا بأنتظاركم

اتفاجأ جان ظنه من يجي يلا نأجر ويرتبه وبعدين ياخذني من اهلي
گال عاجز شأرد اوصفج انتِ واهلج ومحتار شلون اشكر ابو تمار واجازيج على صبرج وتعبج

حسيت فرح بالبداية وبهذه الكلمات غص واتحسر حسرات اخذت روحي

شلون اخليه يتجاوز هالمحنة ومايحس بقهر
رغم نجاح عملية والدته و المفروض يفرح بتجاوز اصعب مرحلة الي هي مرحلة تقبل الجسم للكلية بس هو بالعكس احس هالفترة متضايق اكثر ولا مرة حجه وياي اذا ما بين كلمة وكلمة اتحسر

بيومها من بلغته بنقلتنا

حاجيت عمتي منه اتحمدتلها بالسلامة على نجاح عمليتها ورجعتها بخير

هي هم سمعت منه وهو يحجي وياي الصار
لامتني

..ليش عمه اتعبين وانتِ والده جديد وتوم يرادلج راحه حبيبتي لو ظاله للأربعين يم اهلج كافي حملج نصه وحدج وتعبتي بي انوب محتاره بالنقلة هم
كتلها مو وحدي اهلي الحمدلله موجودين ومامقصرين وعمار مامقصر بس الظروف حكمت

هوايه شكرتني ودعت الي والاهلي بالخير وبعدها انطت التليفون اله
كال اتصل بابو تمار اشكره تعب وياكم بالنقل وهو المتفق وهو اصلا مو فارغ

مايعرف حتى الايجار منه اني ناويه اگله بالصحيح مااضمها واكول مجمعتهن

وهالشي مو عيب ابقى اخته وزوجي ماموجود لو موجود مراح يقصر ويكتفي بي ساعتها 

ورغم والده جديد ماقصرت بترتيب نفسي وتحضير الي يحبه بيه وبالبيت وحتى البنات احتاريت شنو البسهم وشلون راح يشوفهم

اريده يرجع يلگي كلشي مثل اول واحلى بلكي يرتاح نفسيا وتنعكس راحته عليه

كلش مأثر بيه كلامه من يگلي اتمنى افقد الذاكره والتفكير اليامرحلة واصل وهيج يحچي