نوايا القلوب..

٤٦

يسعد مساء الغوالي

هذا الكدرت اكتبه اليوم اتمنى ينال اعجابكم لأن قصير اعتبره ٢٥٣٦ كلمة
واكيد السحكات ترجمتها يمكم

..

ميس..

طلعت امه ورايه تتوسل انتظره

..وين رايحه يايمه صبري خلي يجي ويفهمج احنا الردنا الزواج والله مو هو وخفنا على حفيدنا قدري ظرفه ولاطلعين هيج
هي تحجي واني تزيد رجفة جسمي اريد بس اطلع
شكد كتله فهمني اني وياك افهم منك افضل من غيرك مااعذر

بالي مشدوه وگلبي مدري شبي احس دگاته دمام صترت مشيتي متزنه ومو سريعة بس ودي اركض ارد اطلع من هالبيت

وهي مستنره تحجي

..اوگفي عمه خل نسولف خليه يفهمج لاتتسرعين جايج

كلت

..جايني شسوي بي اخويه جايني هسه وفهمي انتِ طلبي الوحيد يطلگني

طلعت وتليفوني يرج اتصالات منه مارديت اجت اكثر من رسالة

..ميس حبيبتي انتظريني لاتتسرعين 

..وين انتِ ابقي بمكانج جاي

منتظره مؤمل ارد اتصل بيه ماينطيني مجال واكيد هو ماجاي يحصلني يلكيه مشغول خفت يجي ويلكاني هنا يمهم مااريده يتصادم وياهم

صعدت بالسيارة حركتها

وطلعت من شارعهم للشارع الرئيسي اتصلت بي

جاوبني مخبوص

..وينج يمعودة وين انتِ شوداك هناك

..تعال مؤمل

بچيت وهو انخبص يسأل

..جايج حبيبتي لاتسوقين ميس طبگي السيارة بأي مكان مناسب وانطيني مكانج بالضبط

سمعت كلامه لأن الرجفه اتمكنت مني خاص رسائل عمار مااتوقفت ابد وي كل رسالة وعذر يدزه يزيد حقدي عليه اكثر احساس الخيبة يموت

وصلني وطلب مني احول بسيارته واترك السيارة هنا مو مال اسوق بهالوضع كال اني ارجعلها وحدي عوفيها

صعدت وياه
احس بلاعيمي مجرحة العبرة سجاجين وتاكل بيها لا صحت لاحجيت ليش هالأحساس

..احجيلي ميس بالي يمج والله لانايم ولا مداوم وفكره تاخذني وفكره تجيبني كلت يجوز اني استنتجت غلط وراح تصير مشكلة بسبب كلامي وياها

اشرتله براسي ومطرت دموعي

..ياريت لو  غلط مؤمل
متزوج عمار ومو هسه لا من زمان وكت ماچان شاغل بالي ومهمومة الهمه وكت ماجنت احير شلون ادبر اسوي اكله من الموجود بس اغير وابتكر على اساس وحابه هيج طبخات حتى مايتحسس ويكول ملت مني ومن فقري
وكت انتم اقرب ناسي اله ما حجيت وشكيت يمكم حتى مااحسسه بعجز لو ذل اعرفه يتحسس
حافظت مو بس عليه على صورته بعينكم وعيني وهو مسويني مضحكة الاهله واقاربة واله
شايفني غبية