يسعد اوقات الغوالي ...
بالبداية غنيمة التأخير خلصت كل مشاويري وموعد الطبيب وتسجيل ابني الصغير واول يومين دوام قافل بيهن
وفرغت نفسي هذا الاسبوع اختم بي القصة ان شاءالله
وطبعا شاكره صبركم وياي ♥️
...
من اول ساعة جمعتنا بماس حسيناها منا وبينا وتشبهنا بالاطباع لا اتقيدنا منها ولا هي تقيدت جميلة ووجهه بشوش وبسيطة حيل وبعمرنا تقريبا اني ومهجة
اتعرفنا اكثر عليها وهي هم من النوع الي تحب تتعرف واجتماعية
رغم تليفونها ابد ماسكت امها وخالاتها والشيخ ابو حسين وامه
ابوها الي انصدمت بعدين من عرفت هو عمها وابوها شهيد
كلهم يتصلون وبالهم يم ابنها محمد صادق جانو جايبيه يجيكون وضعه مسويله تحاليل ومنتظرين النتيجة واكو فحوصات مأجليهم ثاني يوم لأن هالفترة الاطباء ميستقبلون هوايه اعداد
هم خطيه خايفين عليه حيل ورايدين يبقون بفندق الليلة
بالگوه حسين مقتنع وجاي وي وابو تمار
چان الوباء بعده ومو كلش منتهي والاجراءات بيها تشدد
حاجنها امي وعماتي يستفسرن ع حالته الولد حلوو ونشط ومامبين يشكي من حاله
گالت أقل بچيه ينقطع نفسه ويزرگ وهاي ماچان هيج من البداية بالجديد صار هيج
عيني عليهم يجننون ماشاءالله الاب والأم جمالهم طاغي واولادهم ماخذين من الاثنين بگلبي ادعي ربي يحفظهم
وجدة اخذته باسته وقرت عليه ودعتله
گالت
.. ماعليه شي ان شاءالله لاتخافين جدة هاي تصير احنا اهل گبل فغره نسميها لو موعه عند الطفل بس يكبر شويه وتروح الرحمن على گلبه كلشي ماعليه
مادامه يلعب براحه ومايعرگ هواي بالرضاعه ولا يتعب امني وبردي گلبج
بليلتها الولد طلعو عمي باسم والوالي وحسين وعابد اتصلو عليه وياهم
راحو الاصدقاء حسين هنا وهم معارف العمي قبل ومااعرف شنو من شغل عدهم گالو ضروري روحتنا وماحجو
وهم هناك بعد فتره عمي مراسل مرته والوالي راسل مهجة يردون نرتبلهم بيت عمي باسم يباتون بي
وعمي وعائلته يجون يمنا حتى محد يتقيد
وصدگ فرشنالهم ورتبنالهم وقبل جيتهم وبآخر دقايق اخذناها هي والجهال البيت عمي اني وزوجة عمي باسم
الحد جيتهم طبگو بالباب يلا عفناها ورجعنا
چانت رافضه وخجلانه تريد تبقى يمنا تكول مايحتاج تفرغون مكان هم الشباب هم يردون يسهرون بينهم اني اصلا حبيتها ودي تبقى يمي الليلة بس حكم القوي
عمي باسم جان اله راي ثاني وهي صح ماراح تاخذ راحتها لأن ابيتنا مؤمل والوالي مگدور عليهم يدورون هناك عادي
بس عمي حازم شيقنعة يترك مكانه لو يبقى بغرفته و ماينزل مستحيل مايلتزم ولايهتم
وهم ناس متدينين ومبينه البنيه ملتزمة وسمعانين عن زوجها واهله مطبقين التعاليم الدين الصحيحة
أنت تقرأ
نوايا القلوب..
Romanceقالت لي جدتي ذات يوم لاتؤمن شر الناس قد تظهر المحبة بوجهك وهي وتحمل من الكره والعداوة الكثير اجعل بينكم مسافة تؤمن بها نفسك ولاتكن كمن سبقك لأنها ستظهر وينكشف لك عدوك فأخفائها طويلاً لابد أن يظهر ويجعل من العوائل المترابطة أعداء لسنين تمتد عداوتهم ل...
