نوايا القلوب..

٤٣

يسعد مساء الغالين

حبايب البارت اكثر من ٥٠٠٠ كلمة تعويض عن التأخير

بس للأمانة ابد ماعدلت ادوخ من التعديل صايره اكثر من قبل 😁

انتو اتعودتو عليه

.....

شبا..

جاي ارتب نفسي موعد طبيبتي اليوم اخذ موعد  عملية ترميم الجفن وتجميله .

وهالمرة مؤمل ياخذني وعمي باسم وياي وامي هم عبالك طالعين فزعة

واني ارتب بملابسي وشفت حجابين لبستهم اريد اجرب منو يلائم فستاني السمائي اكثر طلعت غيرهم هو صح مايطلع مني شي ولا يبين من عباتي بس عاجبني البس واكشخ النفسي حبيت الحيوية العندي بهالفترة متمنيه هالشعور يلازمني على طول وماارجع لليأس الجنت بيه

فات مؤمل

..صدگ تحجين بعدج الهسه ناويه تذبيه الحجاب هذا وتختارين غيره انوب مطلعه تلاثه بعد
ولج عايف دراستي ومتفرغلج وانتِ خوش شتلة شتلتينا بس ع التبديل

اتجاهلت رزالته اريده يساعدني بالاختيار اسراء هذه مخلصتها نوم
خاص ابنها بالليل ارتفعت حرارته واذاها خطيه وهي بحملها تتعب
وميس بعيده عني والا هي ذواقه
ومهجة اتصلت بيها مرتين اريدها تنزلي مشغولة باتصال ثاني

..امولي عفيه اختارلي من بين ذني الربطات الجرجيت

..فستانج كابوي خفيف سمائي السادة تركيهن و البيهن بيجي و خضار شيليهن واخذي النيلي الي بي نقشة حلزونية ورد وردي  شيرادلها صارلج ساعة تنگنگين

ضحكت ع تسميته للنقشة

..اي والله هذا احلى عاشت ايدك 

..هي هاي الي معطلتچ 

..اي والله محتاره البس واشوف مو راهمه وارجع اذبها

..رتبي مثل ترتيب ميس الحجابها جهه تركيها ع طولها وجهه لفيها وثبتيها ويلا نروح

سويت مثل مااقترح خبصته اليوم قابل بس هو من يطلع يداوم يخبصنا هذا  احلى لو هذا ويا قميص يرهم  ويا حذاء و بالاخير يلبس ع ذوقه

اني اخذت باختياره لأن ناسية الكشخة صار شگد ونسيت كل هالاهتمام حتى البنات من يردن ينسقلي اكلهن مالي خلگجن خلني براحتي

قصرت طرف من الربطة وطرف اطول حتى الفه
اجاني صوت عمي باسم

..شباوي عمي ترى بس احنا وياج عابد مايجيج اليوم شغله اعلى من راسه ركضج وكشختج تعب ع الفاضي

غطيت وجهي خجلانه ضحكت
انوب انخبصت ادور اوراقي وتحاليلي طلبتهن مني

لكيته واكفلي بالباب يضحك وشايل محمد بأيده